جنوری کے آخر تک شدید سرد موسم کی پیشگوئی

نیشنل ڈیزاسٹر منیجمنٹ اتھارٹی کا الرٹ

اسلام آباد (ڈیلی پاکستان آن لائن) نیشنل ڈیزاسٹر منیجمنٹ اتھارٹی (این ڈی ایم اے) نے گلگت بلتستان، بالائی خیبرپختونخوا اور آزاد کشمیر میں ممکنہ شدید سردی کا الرٹ جاری کردیا۔

یہ بھی پڑھیں: شام کی جنگ میں اسرائیل کا چیلنج: کیا بشار الاسد کی کمزور حکومت کی حفاظت کرے یا باغیوں کا نیا خطرہ مول لے؟

شدید سردی اور برفباری کی پیشگوئی

’’جیو نیوز‘‘ کے مطابق این ڈی ایم اے نے بتایا ہے کہ آئندہ دنوں میں جنوری کے آخر تک رات اور صبح میں شدید سرد موسم متوقع ہے۔ بالائی علاقوں میں درمیانے سے شدید درجے کی برفباری کا امکان ہے۔ برفباری کی وجہ سے رابطہ سڑکیں، ٹرانسپورٹ اور بجلی کی فراہمی متاثر ہو سکتی ہے۔ ساتھ ہی، پہاڑی علاقوں میں ممکنہ برفباری سے برفانی تودے گرنے اور پھسلن میں اضافہ متوقع ہے۔

یہ بھی پڑھیں: سونے کے بعد چاندی کی قیمت بلند ترین سطح پر پہنچ گئی

عوامی صحت پر اثرات

این ڈی ایم اے کے مطابق شدید سردی اور برفباری بچوں، بزرگوں اور بیمار افراد کو متاثر کر سکتی ہے۔ میدانی علاقوں میں سرد و خشک موسم اور بعض مقامات پر کہرا پڑنے کا امکان ہے، جبکہ فصلوں اور باغات کو نقصان کا خدشہ بھی موجود ہے۔

یہ بھی پڑھیں: روس کا مسافر طیارہ لاپتا، 50 مسافر سوار

سہولیات اور حفاظتی تدابیر

این ڈی ایم اے نے شہریوں کو پہاڑی علاقوں میں غیر ضروری سفر سے گریز کرنے اور برفباری والے علاقوں میں گاڑی کے ٹائروں پر حفاظتی زنجیر لگانے کی ہدایت کی ہے۔

صوبائی اور ضلعی انتظامیہ کی ہدایت

این ڈی ایم اے نے صوبائی ادارے اور ضلعی انتظامیہ کو پیشگی اقدامات اور ضروری مشینری کی دستیابی یقینی بنانے کی بھی ہدایت کی ہے۔