پنجاب میں سکولوں کے نئے اوقات کار جاری

نئے اوقاتِ کار کا اعلان

لاہور (ڈیلی پاکستان آن لائن )پنجاب بھر کے سرکاری سکولوں کے نئے اوقاتِ کار کا نوٹیفکیشن جاری کردیا گیا ہے جو 19 جنوری سے 15 اپریل 2026 تک لاگو ہوں گے۔

یہ بھی پڑھیں: پاکستانی شوبز انڈسٹری کے نامور ستارے بھی بسنت کے رنگ میں رنگ گئے

سنگل شفٹ سکولوں کے اوقات

محکمہ سکول ایجوکیشن پنجاب کے نوٹیفکیشن کے مطابق سنگل شفٹ سکولوں میں طلبہ کے لئے پیرتا جمعرات صبح 10 بجے سے دو بج کر 15 منٹ تک تدریسی اوقات ہوں گے جبکہ جمعہ کے روز کلاسز صبح 10 بجے سے 12 بج کر 30 منٹ تک جاری رہیں گی۔

یہ بھی پڑھیں: پاک بھارت جنگ کے باعث فواد خان کی متاثر ہونے والی بھارتی فلم ریلیز کے لیے تیار

ڈبل شفٹ سکولوں کے اوقات

ڈبل شفٹ سکولوں کے لیے مارننگ شفٹ صبح 10 بجے سے 2 بجے تک اور آفٹر نون شفٹ 2 بج کر 15 منٹ سے 4 بج کر 45 منٹ تک مقرر کی گئی ہے۔

یہ بھی پڑھیں: 1977ء میں جنرل محمد ضیاء الحق بھٹو کی حکومت ختم کرنے کے بعد چیف مارشل لاء ایڈمنسٹریٹر اور صدر بن گئے، عطیہ عنایت اللہ کو مرکزی کیبنٹ میں شامل کر لیا

اساتذہ کی ذمہ داریاں

اساتذہ کے لیے پیر تا جمعرات کے اوقات میں نصابی تیاری، تربیتی سرگرمیاں اور سی پی ڈی کی شمولیت شامل ہے اور نوٹیفکیشن میں واضح کیا گیا ہے کہ اساتذہ کو تربیت اور نصابی سرگرمیوں میں حصہ لینا لازمی ہوگا۔

یہ بھی پڑھیں: خیبرپختونخوا میں گاڑیوں کی من پسند نمبر پلیٹس کے لیے کروڑوں روپے کی بلند بولیاں لگانے والے خریدار ادائیگی نہ کر سکے، محکمہ ایکسائز نے سیکیورٹی ضبط کر لی۔

حاضری کا نظام

مزید برآں اساتذہ کی حاضری متبادل ہفتہ (Alternate Saturday) پر بھی لازمی ہوگی تاکہ تدریسی اور نصابی معیار میں بہتری لائی جا سکے۔

نئے اوقات کا مقصد

محکمہ سکول ایجوکیشن کا کہنا ہے کہ نئے اوقاتِ کار کا مقصد نہ صرف طلبہ کی تعلیمی سرگرمیوں کو مؤثراور متوازن بنانا ہے بلکہ اساتذہ کو نصابی تیاری اور تربیت کے مواقع فراہم کرنا بھی ہے۔ اس اقدام کے ذریعے تعلیمی معیار کو بلند کرنے اور طلبہ کی استعداد بڑھانے میں مدد ملے گی۔