صدر کی خاران میں سیکیورٹی فورسز کو ’’شاباش‘‘
صدرِ مملکت کی سیکیورٹی فورسز کی تعریف
اسلام آباد(ڈیلی پاکستان آن لائن) صدرِ مملکت آصف علی زرداری نے خاران میں بھارتی پشت پناہی میں سرگرم فتنہ الہندوستان کے دہشت گردوں کی کارروائی ناکام بنانے پر سیکیورٹی فورسز اور قانون نافذ کرنے والے اداروں کو خراجِ تحسین پیش کیا ہے۔
یہ بھی پڑھیں: یاسر حسین نے نادیہ خان کو آڑے ہاتھوں لے لیا
دہشت گردوں کے حملے کا مؤثر جواب
ایوان صدر کے پریس ونگ سے جاری بیان کے مطابق صدر آصف علی زرداری نے کہا کہ بروقت اور مؤثر ردِعمل سے بڑے نقصان کی کوشش ناکام بنانے پر سیکیورٹی فورسز کو شاباش دیتا ہوں۔
ملک دشمن عناصر کے خلاف عزم
انہوں نے مزید کہا کہ ہمارا عزم ہے کہ ملک دشمن عناصر کے ناپاک عزائم کو ہر صورت ناکام بنایا جائے گا، اور ریاست ملک دشمن عناصر کو پوری طاقت سے جواب دیتی رہے گی۔
