بیٹے کی شادی، مریم نواز اور جنید صفدر کے ملبوسات کی ممکنہ قیمتیں سامنے آگئیں

وزیراعلیٰ پنجاب مریم نواز کے بیٹے کی شادی

لاہور(ویب ڈیسک) وزیراعلیٰ پنجاب مریم نواز اور کیپٹن ریٹائرڈ صفدر کے صاحبزادے جنید صفدر رشتہ ازدواج میں منسلک ہوگئے، مہندی اور بارات کی تصاویر اور ویڈیوز سوشل میڈیا کے مختلف پیجز پر وائرل ہیں۔

یہ بھی پڑھیں: گیس پائپ لائن: پاکستان نے عالمی عدالت میں ایرانی مقدمے پر وکیل کرلیا

مہندی تقریب کی تفصیلات

وزیراعلیٰ پنجاب نے اپنے بیٹے کی مہندی کی تقریب کے لیے مشہور پاکستانی ڈیزائنر نومی انصاری کے ڈیزائن کردہ پیلے رنگ کے خوبصورت لہنگے کا انتخاب کیا جس پر باریک گوٹا، کامدار کڑھائی اور نفیس نقش و نگار نمایاں ہیں۔ آفیشل ویب سائٹ پر جوڑوں کی قیمتیں درج نہیں ہوتیں لیکن زیادہ تر ان کے ڈیزائن کردہ جوڑوں کی قیمت 5 لاکھ روپے سے زیادہ ہی ہوتی ہے۔

یہ بھی پڑھیں: رجوانہ ہاؤس ملتان میں بانی پاکستان قائداعظم محمد علی جناح اور نواز شریف کی سالگرہ پر تقریب

بارات کی تقریب

مریم نواز نے بیٹے کی بارات کے دن پاکستانی ڈیزائنر اقبال حسین کے ڈیزائن کردہ خوبصورت جوڑے کا انتخاب کیا، ان کے جوڑے پر دھاگے اور سلور زردوزی کا بھاری بھرکم کام نمایاں تھا، یہ خوبصورت جوڑا پریمیم برائیڈل لائن میں شامل ہے اور برانڈ کی مخصوص قیمتوں کے مطابق اس جوڑے کی قیمت 2 سے 4 لاکھ روپے کے درمیان ہے۔

سوشل میڈیا پر تبصرے

وزیراعلیٰ پنجاب کے بیٹے کی شادی کی تقریبات سے سوشل میڈیا پر وائرل ہونے والی تصاویر پر صارفین کی جانب سے دلچسپ تبصرے بھی کیے جا رہے ہیں۔