آج کہاں کہاں بادل برسیں گے؟ متعلقہ محکموں کو الرٹ رہنے کی ہدایات

بارشوں کی پیشگوئی

اسلام آباد (ڈیلی پاکستان آن لائن) پی ڈی ایم اے کے مطابق آج سے 23 جنوری تک پنجاب کے بیشتر اضلاع میں بارشوں کا امکان ہے۔

یہ بھی پڑھیں: پی ٹی آئی مکمل طور پر ناکام ہو چکی ہے، سابق وزیراعلیٰ خیبرپختونخوا علی امین گنڈا پور کا اعتراف

پہاڑی علاقوں میں شدید برفباری

نجی ٹی وی سما نیوز کے مطابق مری گلیات اور دیگر پہاڑی علاقوں میں شدید برفباری و بارش کی پیشگوئی ہے۔ لاہور، سرگودھا، گوجرانوالہ، ساہیوال، ملتان، فیصل آباد ڈویژن میں بارش کا امکان ہے۔ ڈیرہ غازی خان اور بہاولپور میں بھی بارشیں متوقع ہیں۔

یہ بھی پڑھیں: کل رات آپریشن بنیان مرصوص لانچ کرنے سے پہلے آرمی چیف نے بہت دیر تک دعا کرائی، انصار عباسی

ڈی جی پی ڈی ایم اے کی ہدایات

ڈی جی پی ڈی ایم اے پنجاب نے متعلقہ محکموں کو الرٹ رہنے کی ہدایات کردی۔ انہوں نے کہا کہ مری میں ضلعی انتظامیہ و متعلقہ محکمے الرٹ رہیں، اور ایمرجنسی کنٹرول رومز میں عملے کو 24 گھنٹے تیار رکھا جائے۔

شہریوں کے لیے ہدایت

ڈی جی عرفان علی کاٹھیا نے کہا کہ شہری خراب موسم کی صورتحال میں غیر ضروری سفر سے گریز کریں۔ ہنگامی صورتحال میں پی ڈی ایم اے پنجاب کی ہیلپ لائن 1129 پر رابطہ کریں۔