بنگلہ دیش: جماعت اسلامی کے ضلعی امیر احتجاجی ریلی میں خطاب کے دوران انتقال کرگئے

بنگلہ دیش میں جماعت اسلامی کے رہنما کا انتقال

ڈھاکہ (مانیٹرنگ ڈیسک) بنگلہ دیش میں جماعت اسلامی کے ضلعی امیر ابوالہیثم احتجاجی ریلی کے دوران خطاب کرتے ہوئے اچانک بے ہوش ہو کر گر پڑے اور انتقال کر گئے۔

احتجاجی ریلی کی تفصیلات

تفصیلات کے مطابق بنگلہ دیشی میڈیا نے بتایا ہے کہ کشٹیا-3 (صدر) حلقے سے جماعتِ اسلامی کے نامزد امیدوار امیر حمزہ کو مبینہ جان سے مارنے کی دھمکیوں کے خلاف آواز احتجاجی طور پر نکالی گئی تھی۔ ریلی کا آغاز دوپہر ساڑھے تین بجے کشٹیا میونسپلٹی سے ہوا، جو این ایس روڈ سے ہوتی ہوئی ایکتارا موڑ تک پہنچی، جہاں ابوالہیثم نے آخری سانس لی۔

عینی شاہدین کی گواہی

عینی شاہدین کے مطابق دوپہر کے وقت ریلی کے مقام پر تقریر کے دوران ابوالہیثم کی طبیعت اچانک خراب ہوئی اور وہ زمین پر گر گئے۔ انہیں فوری طور پر ضلع شہر کے نجی ہسپتال منان ہارٹ فاؤنڈیشن لے جایا گیا، جہاں شام تقریباً ساڑھے چار بجے ڈاکٹروں نے انہیں مردہ قرار دے دیا۔

جماعت اسلامی کے رہنما کی تصدیق

’’جنگ‘‘ کے مطابق واقعے کی تصدیق کرتے ہوئے جماعت اسلامی کے رہنما شجاع الدین نے کہا کہ ’’میں ان کے بالکل پاس کھڑا تھا جب وہ تقریر کر رہے تھے، وہ میرے ہاتھوں میں گر پڑے۔ ڈاکٹروں کا کہنا ہے کہ ابوالہیثم کو جب ہسپتال لایا گیا تو وہ پہلے ہی انتقال کر چکے تھے۔’’