ماہرہ خان برقعہ پہنے گی تو ڈانس کیسے کرے گی؟ جواد احمد اپنے بیان پر تنقید کی زد میں آ گئے
جواد احمد پر تنقید
لاہور(ڈیلی پاکستان آن لائن) گلوکار اور سماجی کارکن جواد احمد حال ہی میں ایک پوڈکاسٹ کے دوران خواتین کے لباس اور پردے کے موضوع پر دیئے گئے بیان کے باعث سوشل میڈیا پر شدید تنقید کا نشانہ بن گئے۔
یہ بھی پڑھیں: بھارتی کرکٹ ٹیم نے اپنے ایوارڈز وصول نہیں کیے
پوڈکاسٹ کی تلخ کلامی
تفصیلات کے مطابق، پوڈکاسٹ کے دوران ایک خاتون سامع نے جواد احمد کے خیالات پر تنقید کی، جس کے نتیجے میں دونوں کے درمیان تلخ کلامی ہوئی۔ اس موقع پر جواد احمد نے کہا کہ دوسروں پر تنقید کرنے سے پہلے اپنے طرزِ عمل کا جائزہ لینا چاہیے۔
یہ بھی پڑھیں: صائم ایوب کی دھواں دار بیٹنگ، پاکستان نے جنوبی افریقہ کو جیت کے لیے بڑا ہدف دے دیا
پردے کی اہمیت پر بیان
جواد احمد نے کہا کہ آپ یہ جو ڈوپٹے کے بغیر ہیں، یہ سہولت ہم جیسے لوگوں کی جدوجہد کی بدولت حاصل کر پائی ہیں، ہماری جدوجہد کی وجہ سے آج خواتین کو اپنی پسند کے مطابق زندگی گزارنے کا حق حاصل ہے۔
یہ بھی پڑھیں: کیا تنخواہوں میں اضافہ ہوگا؟ صحافی کے سوال پر اسحاق ڈار نے دوٹوک جواب دیدیا
عمران خان کی اہل خانہ کا حوالہ
انہوں نے گفتگو کے دوران سابق وزیراعظم عمران خان کی اہلیہ کی برقع پہننے اور ان کی بہنوں کے سر ڈھانپنے کا حوالہ دیتے ہوئے کہا کہ ان سے پوچھا گیا کہ آپ یہ جو پردہ کرتی ہیں، یہ کون سا پردہ ہے تو انہوں نے کہا کہ یہ پردہ بہترین پردہ ہے، اگر ماہرہ خان برقع پہنیں تو وہ ڈانس کیسے کریں گی۔
سوشل میڈیا پر رد عمل
جواد احمد کے اس بیان کی ویڈیو وائرل ہونے کے بعد سوشل میڈیا صارفین نے سخت ردِعمل ظاہر کیا۔ متعدد افراد نے ان کے اندازِ بیان کو نامناسب قرار دیا اور کہا کہ اختلافِ رائے کے اظہار میں شائستگی کا دامن نہیں چھوڑنا چاہیے۔
