سونا مزید مہنگا ہوگیا، قیمت ایک بار پھر تاریخ کی بلند ترین سطح پر

سونے کی قیمتوں میں اضافہ

کراچی(ڈیلی پاکستان آن لائن) سونے کی قیمتیں ایک بار پھر عالمی اور مقامی مارکیٹوں میں تاریخ کی بلند ترین سطح پر پہنچ گئیں۔

یہ بھی پڑھیں: ایئرسیال نے اپنے بیڑے میں ایک اور Airbus A320 طیارہ شامل کرنے کا معاہدہ کر لیا

عالمی بلین مارکیٹ کی صورتحال

بین الاقوامی بلین مارکیٹ میں آج منگل کے روز فی اونس سونے کی قیمت میں 43 ڈالر کا بڑا اضافہ ریکارڈ ہوا، جس کے نتیجے میں نئی عالمی قیمت 4 ہزار 713 ڈالر کی بلند سطح پر پہنچ گئی۔

یہ بھی پڑھیں: سکول کی آؤٹ لک اور کوالٹی پر کوئی سمجھوتہ نہیں کیا جائے گا: وزیر تعلیم پنجاب

مقامی مارکیٹ میں سونے کی قیمت

اسی طرح مقامی صرافہ بازاروں میں 24 قیراط کے حامل فی تولہ سونے کی قیمت میں بھی 4 ہزار 300 روپے کے بڑے اضافے سے نئی قیمت 4 لاکھ 93 ہزار 662 روپے کی نئی بلند سطح پر آگئی جب کہ فی 10 گرام سونے کی قیمت 3 ہزار 686 روپے بڑھ کر 4 لاکھ 23 ہزار 235 روپے کی سطح پر آگئی۔

چاندی کی قیمت میں اضافہ

ملک میں فی تولہ چاندی کی قیمت بھی 87 روپے کے اضافے سے 9 ہزار 869 روپے کی نئی بلند سطح پر پہنچ گئی جب کہ فی 10 گرام چاندی کے نرخ 76 روپے کے اضافے سے 8 ہزار 461 روپے کی سطح پر آ گئے۔