سانحہ گل پلازہ پر اداکارہ ہانیہ عامر کا ردعمل بھی آگیا

ہانیہ عامر کا سانحہ گل پلازہ پر ردعمل

کراچی (آئی این پی) کراچی میں پیش آئے سانحہ گل پلازہ پر معروف اداکارہ ہانیہ عامر نے بھی ردعمل کا اظہار کیا ہے۔

یہ بھی پڑھیں: صدر مملکت آصف علی زرداری نے 27ویں آئینی ترمیمی بِل پر دستخط کردیے

جذباتی انسٹاگرام اسٹوری

انسٹاگرام اسٹوری پر ایک جذباتی پوسٹ کرتے ہوئے ہانیہ عامر نے سانحے کے حوالے سے غفلت اور حفاظتی اقدامات پر سوال اٹھایا ہے۔ ہانیہ عامر کا کہنا تھا کہ گل پلازہ میں جو ہوا وہ نہایت دل دہلا دینے والا ہے، جس طرح قیمتی جانوں کا ضیاع ہوا وہ نہیں ہونا چاہیے تھا۔

یہ بھی پڑھیں: جی ایچ کیو حملہ کیس: شیخ رشید کی بریت کی درخواستوں پر فیصلہ محفوظ

حادثے کے اسباب

اداکارہ نے لکھا کہ یہ محض ایک حادثہ نہیں تھا، بلکہ ایک یاددہانی ہے کہ کس طرح غفلت، حفاظتی انتظامات کی عدم موجودگی اور خاموشی کی قیمت عام لوگوں کو اپنے مستقبل سے چکانی پڑتی ہے۔

جوابدہی کا مطالبہ

ہانیہ عامر نے مزید لکھا کہ ہم متاثرین کے صرف تعزیت کے نہیں بلکہ جوابدہی کے بھی مقروض ہیں، اللہ پسماندگان کو اس ناقابل تصور نقصان پر صبر عطا فرمائے۔