سانگھڑ میں وڈیروں کے بیٹے نے 14 سالہ لڑکی کو جنسی زیادتی اور تشدد کا نشانہ بنانے کے بعد تیز دھار آلے سے زبان بھی کاٹ دی

اجتماعی خطرہ: لڑکی کا مبینہ اغوا اور زیادتی

سانگھڑ(ڈیلی پاکستان آن لائن) تھانہ چوٹیاریوں کی حدود میں واقع گاوں کے وڈیرے کے بیٹے نے 14 سالہ لڑکی کو مبینہ اغوا کے بعد جنسی زیادتی اور تشدد کا نشانہ بنا ڈالا اور لڑکی زبان تیز دھار آلے سے کاٹ دی۔

یہ بھی پڑھیں: پاکستان کو بنتے اپنی آنکھوں سے دیکھا، چلڈرن مسلم لیگ بنائی، بَٹ کے رہے گا ہندوستان، بن کے رہے گا پاکستان“کے نعرے لگاتے رہے

ایمرجنسی طبی امداد

سما ٹی وی کے مطابق واقعہ کے فوراً بعد ورثا لڑکی کو زخمی حالت میں ڈی ایچ کیو اسپتال لے گئے جہاں طبی امداد کے بعد اسپتال حکام نے ورثا کو لڑکی کو اسپتال میں داخل کرنے کا مشورہ دیا۔ مگر ورثا بغیر کسی میڈیکل کے اچانک اسپتال سے چلے گئے۔

قانونی کارروائی

دوسری جانب ایس ایچ او اعظم بھنگور نے بتایا کہ اس واقعے کی اطلاع ملنے پر ورثا سے تفصیلات لی ہیں۔ مگر این سی درج کرکے ورثا کو میڈیکل سرٹیفکیٹ کے لیے لیٹر جاری کیا ہے اور مزید تفتیش جاری ہے۔ اگر ورثا نے مقدمہ درج کروایا تو قانونی تقاضے پورے کرکے ملزمان کو قانون کے کٹہرے میں لایا جائے گا۔