پنجاب میں مارکیٹوں، عمارتوں، سکولوں اور ہائر رائز بلڈنگز کے حوالے سے اہم فیصلے،وزیر اعلیٰ نے 2 ہفتے کی مہلت دیدی

اہم فیصلے پنجاب میں

لاہور (طیبہ بخاری سے) پنجاب میں مارکیٹوں، عمارتوں، سکولوں اور ہائر رائز بلڈنگز کے حوالے سے اہم فیصلے، وزیر اعلیٰ نے 2 ہفتے کی مہلت دیدی۔

یہ بھی پڑھیں: وزیراعلیٰ پنجاب مریم نواز کا لاہور میں 60 سالہ خاتون کے قتل پر نوٹس، تفصیلی رپورٹ طلب

اجلاس کی تفصیلات

تفصیلات کے مطابق وزیراعلیٰ مریم نواز کی زیر صدارت عوام کے جان و مال کے تحفظ کے لئے اہم اجلاس ہوا۔ اس موقع پر فائر آڈٹ، 2 ہفتوں کا الٹی میٹم، تھرمل ڈرونز، جیو ٹیگڈ فائر ہائیڈرینٹس، بلڈنگ کوڈز 2022 کا نفاذ کا جائزہ لیا گیا۔ اجلاس میں صوبے بھر کی تمام مارکیٹوں، عمارتوں، سکولوں اور ہائر رائز بلڈنگز کا فائر سیفٹی آڈٹ کرانے کا فیصلہ کیا گیا ہے۔

یہ بھی پڑھیں: حکومت سے مذاکرات کا آغاز کب ہو گا؟ وزیرِ اعلیٰ خیبرپختونخوا کا بیان آ گیا

فائر ڈرل اور حفاظتی اقدامات

وزیراعلیٰ مریم نواز نے صوبے بھر میں فائر ڈرل کرانے کا بھی حکم دیدیا اور فائر سیفٹی حفاظتی ضوابط مکمل کرنے کے لئے 2 ہفتے کی مہلت دے دی اور بلڈنگ سیفٹی ایکٹ پر مکمل عملدرآمد یقینی بنانے کی ہدایت کی ہے۔

یہ بھی پڑھیں: بھارتی حکومت کا فیصلہ کرکٹ بورڈ پر بھاری پڑ گیا، آن لائن گیمنگ بل کے بعد 358 کروڑ روپے کا اسپانسرشپ معاہدہ ختم کرنا پڑا۔

خصوصی اختیارات اور سیل کا قیام

اجلاس میں بلڈنگ سیفٹی ایکٹ پر عملدآرمد کے لئے پیرا فورس کو خصوصی اختیارات تفویض کرنے اور خصوصی سیل بھی قائم کرنے کا فیصلہ کیا گیا ہے۔ اس موقع پر صوبہ بھر میں تمام عمارتوں میں داخلی اور خارجی راستے کلیئر رکھنا لازم قرار دیا گیا ہے۔ تمام عمارتوں میں حفاظتی سائن ایج درست اور واضح ہونا بھی لازم قرار دیا گیا۔

یہ بھی پڑھیں: پاکستانی فضائی حدود کی بندش سے بھارتی ائیرلائنز میں بحران، نائب صدر کا طیارہ بھی تاخیر کا شکار

جیو ٹیگڈ مقامات اور جدید ٹیکنالوجی

اجلاس کو بریفنگ میں بتایا گیا کہ ریسکیو 1122 کی نشاندہی پر جیو ٹیگڈ مقامات پر واسافائر ہائیڈرینٹس کی تنصیب یقینی بنائے گا۔ ریسکیو 1122 پنجاب کو فائر فائٹنگ کے لئے تھرمل اور دیگر ڈرونز سمیت جدید ٹیکنالوجی سے لیس کیا جائے گا۔

یہ بھی پڑھیں: کراچی میں رہائشی عمارت کی 25 ویں منزل سے گر کر لڑکی جاں بحق

نئی تنصیبات اور مشاورت

بریفنگ میں مزید بتایا گیا کہ پنجاب میں 2 ہفتوں کے اندر تمام عمارتوں میں ایکسٹرنل فائر ہائیڈرینٹس نصب کیے جائیں گے۔ ریسکیو 1122 صوبہ بھر میں اہم مقامات کی جیو ٹیگنگ کرے گا۔ پنجاب حکومت انسانی اور عماراتی تحفظ کے لئے تمام صنعتی اداروں کے سٹیک ہولڈرز سے مشاورت کرے گی۔

یہ بھی پڑھیں: پاکستان کے فیلڈ مارشل عاصم منیر کا دورہ امریکہ، ان کے استقبال کے لیے کیا تیاریاں کی گئی ہیں؟ ویڈیوز سامنے آگئیں۔

ریسکیو 1122 کا کردار

بریفنگ میں بتایا گیا کہ جنوبی ایشیا میں صرف ریسکیو 1122 پنجاب کو اقوام متحدہ کی سرٹیفکیشن حاصل ہے۔ اسی سال کے دوران ریسکیو 1122 سروسز پنجاب کی تمام تحصیلوں میں متعارف کرائی جائیں گی۔ پنجاب میں تجاوزات کے خاتمے کی مہم کے باعث ریسکیو سروسز کی رسائی مزید بہتر ہوئی۔

وزیراعلیٰ کی وضاحت

وزیراعلیٰ مریم نواز نے کہا کہ عمارتوں میں آتشزدگی سے نمٹنے کے لئے ہمت کے ساتھ حکمت اور ٹیکنالوجی بھی ضروری ہے۔ عمارتی تحفظ یقینی بنانا ہوگا، عوام کی زندگی سے کھیلنے والوں کی پنجاب میں کوئی جگہ نہیں۔ پنجاب کی ہر تحصیل، ہر مارکیٹ، ہر بلڈنگ، ہر سکول، ہر ہائی رائز اب محفوظ ہوگا۔