قومی بچت اسکیموں کی شرح منافع میں رد و بدل کا اعلان

حکومت کی جانب سے قومی بچت اسکیموں میں شرح منافع میں تبدیلی

اسلام آباد (ڈیلی پاکستان آن لائن) حکومت نے مختلف قومی بچت اسکیموں کی شرح منافع میں رد و بدل کا اعلان کر دیا ہے، جس کا اطلاق 23 جنوری سے ہوگا۔ اس حوالے سے باقاعدہ نوٹیفکیشن بھی جاری کر دیا گیا ہے۔

یہ بھی پڑھیں: مجھے عدالت کے حکم کے باوجود عمرہ پر نہیں جانے دیا گیا، شیخ رشید احمد

نئے منافع کی شرح

نوٹیفکیشن کے مطابق اسپیشل سیونگز سرٹیفکیٹ پر سالانہ منافع 9.6 فیصد سے کم ہو کر 9.4 فیصد کر دیا گیا ہے، جبکہ ریگولر انکم سرٹیفکیٹ پر شرح منافع 10.2 فیصد سے گھٹ کر 9.96 فیصد ہو گئی ہے۔

یہ بھی پڑھیں: وفاقی آئینی عدالت کا گندم کوٹہ سے متعلق کیس میں اہم حکم

شارٹ ٹرم سیونگز سرٹیفکیٹ

اسی طرح 3 ماہ کے شارٹ ٹرم سیونگز سرٹیفکیٹ پر منافع 10 فیصد کے بجائے 9.64 فیصد ملے گا، جبکہ 6 ماہ کے شارٹ ٹرم سیونگز پر منافع کی شرح 9.9 فیصد سے کم ہو کر 9.58 فیصد کر دی گئی ہے۔

یہ بھی پڑھیں: ایف بی آر کی بدانتظامی سے قومی خزانے کو 397ارب کے نقصان کا انکشاف

دیگر اسکیموں کا جائزہ

ڈیفنس سیونگز سرٹیفکیٹ پر مجموعی منافع میں بھی کمی کی گئی ہے، تاہم بہبود سیونگز سرٹیفکیٹ پر شرح منافع 12 فیصد پر برقرار رکھی گئی ہے۔

پنشنرز اور سیونگ اکاؤنٹس

اسی طرح پنشنرز بینیفٹ اکاؤنٹ پر منافع کی شرح 12 فیصد اور سیونگ اکاؤنٹ پر 9 فیصد برقرار رہے گی، جبکہ سروا اسلامک سیونگز اسکیموں پر بھی شرح منافع میں کوئی تبدیلی نہیں کی گئی۔