پنجاب حکومت کا ’’اپنی چھت اپنا گھر‘‘ پروگرام کو مزید توسیع دینے کا فیصلہ
صوبائی حکومت کی انقلابی منصوبہ بندی
لاہور(ڈیلی پاکستان آن لائن) صوبائی حکومت نے اپنے انقلابی منصوبے "اپنی چھت، اپنا گھر" کو مزید توسیع دینے کا فیصلہ کیا ہے۔
نجی ٹی وی چینل دنیا نیوز کے مطابق وزیراعلیٰ مریم نواز شریف نے پنجاب کو ایک سنہرا تحفہ دیتے ہوئے صدیوں پرانی روایت جوائنٹ فیملی سسٹم کو برقرار رکھنے اور سماجی ترقی و ہم آہنگی کے فروغ کے لیے ایک انقلابی پیکیج تیار کیا ہے۔
یہ بھی پڑھیں: لاپتہ ہونیوالے چار سالہ بچے کی لاش پڑوسی کے گھر سے برآمد،ملزم گزفتار
جوائنٹ فیملیز کے لیے خصوصی سہولیات
سانجھے چُلھے، سانجھے ویہڑے اور اپنی چھت بھی سانجھی کے تصور کے تحت، حکومت پنجاب نے جوائنٹ فیملیز کو خصوصی سہولت فراہم کرنے کا فیصلہ کیا ہے۔
یہ بھی پڑھیں: فضائی آلودگی میں عالمی سطح پر لاہور سرفہرست
انقلابی پروگرام کی توسیع
مریم نواز نے انقلابی پروگرام "اپنی چھت، اپنا گھر" کا دائرہ کار وسیع کرتے ہوئے اسے جوائنٹ فیملیز تک بڑھا دیا ہے، جس کے تحت پنجاب کی جوائنٹ فیملیز کو اپنے گھروں کی توسیع کے لیے بلاسود اور بالکل آسان اقساط پر قرض فراہم کیا جائے گا۔ وزیراعلیٰ پنجاب نے گھروں کی توسیع کے لیے بلاسود قرضوں کے اجرا کی منظوری بھی دے دی ہے۔
یہ بھی پڑھیں: سیلابی صورتحال، تھیم پارک سوسائٹی کے متاثرین کی عارضی خیمہ بستی میں آباد خاندان کے ہاں 8ویں بچے کی پیدائش
گھروں کی تعمیر کا بڑا ہدف
وزیر اعلیٰ پنجاب نے جون 2026ء تک ایک لاکھ 60 ہزار گھر بنانے کا بڑا ہدف مقرر کر دیا ہے۔ اس کے ساتھ ہی پنجاب میں جن شہریوں کے پاس اپنی زمین نہیں، انہیں زمین بھی فراہم کی جائے گی اور گھر بنانے کے لیے بلاسود اور آسان قرض بھی دیا جائے گا۔ مریم نواز نے "اپنی زمین، اپنا گھر" کے تحت 1534 پلاٹوں کی الاٹمنٹ کی منظوری دے دی ہے۔
یہ بھی پڑھیں: پنجاب اوورسیز پاکستانی کمیشن پنجاب کی تاریخ میں پہلی مرتبہ کھلی کچہری کا انعقاد
پہلے مرحلے میں پلاٹس کی الاٹمنٹ
پہلے مرحلے میں جہلم میں 194، قصور میں 129، فیصل آباد میں 84 اور لودھراں میں 59 پلاٹس بذریعہ قرعہ اندازی دیئے جائیں گے۔
یہ بھی پڑھیں: امیر مگر بے وفا مرد کا انتخاب کروں گی: کومل میر
جلد قرعہ اندازی کے اقدامات
وزیراعلیٰ مریم نواز شریف نے اپنی زمین، اپنا گھر کے پلاٹس کی جلد از جلد قرعہ اندازی کے لیے اقدامات کی ہدایت بھی جاری کی ہے۔ انہوں نے اپنی چھت، اپنا گھر پراجیکٹ کے فنڈز بڑھانے کے لیے بھی اقدامات کا حکم دیا۔
یہ بھی پڑھیں: او پی ایف کسی دباؤ، سفارش یا سیاسی مفاد کے بغیر اوورسیز پاکستانیوں کی آواز بنے گی، افضال بھٹی
خصوصی اجلاس اور منصوبے کی تفصیلات
اس حوالے سے وزیراعلیٰ کی زیر صدارت ایک خصوصی اجلاس منعقد ہوا، جس میں سیکرٹری ہاؤسنگ اور ڈی جی پھاٹا نے تفصیلی بریفنگ دی۔ بریفنگ میں بتایا گیا کہ "اپنی چھت، اپنا گھر" کے رجسٹرڈ یوزرز کی تعداد 18 لاکھ 80 ہزار 81 ہے جبکہ درخواست گزاروں کی تعداد 10 لاکھ 66 ہزار 559 ہے۔ "اپنی چھت، اپنا گھر" پراجیکٹ کے تحت پنجاب بھر میں 67 ہزار 197 گھر آباد ہو چکے ہیں جب کہ 53 ہزار 843 مکانات زیر تعمیر ہیں۔
یہ بھی پڑھیں: نیدرلینڈز کے سفارت خانے کی جانب سے نیشنل کمیشن برائے انسانی حقوق (این سی ایچ آر) کو ہیومن رائٹس ٹیولپ ایوارڈ سے نوازا گیا
تاریخی قرضے اور ریکوری کی شرح
بریفنگ کے مطابق "اپنی چھت، اپنا گھر" کے تحت 164 ارب 66 کروڑ روپے کے تاریخی قرضے جاری کیے جا چکے ہیں اور اس پروگرام کے تحت ریکوری کی شرح 99 فیصد ہے۔ وزیراعلیٰ مریم نواز شریف نے "اپنی چھت، اپنا گھر" کے تحت دوسری قسط بھی جلد از جلد ادا کرنے کی ہدایت دی۔
متاثرہ خاندانوں کی سہولت کیلئے نئی پالیسی
مزید برآں، وزیراعلیٰ مریم نواز شریف نے "اپنی چھت، اپنا گھر" کے صارفین کے انتقال کی صورت میں پالیسی مرتب کرنے کی بھی ہدایت جاری کی ہے تاکہ متاثرہ خاندانوں کو سہولت فراہم کی جا سکے.
