ٹی ٹوئنٹی ورلڈکپ میں بنگلہ دیش کی جگہ سکاٹ لینڈ کی ٹیم شرکت کرے گی، آئی سی سی نے باضابطہ اعلان کردیا

آئی سی سی کا بڑا اعلان

دبئی(ڈیلی پاکستان آن لائن) آئی سی سی نے باضابطہ طور پر اعلان کیا ہے کہ بھارت اور سری لنکا میں ہونے والے ٹی ٹوئنٹی ورلڈکپ میں بنگلہ دیش کی جگہ سکاٹ لینڈ کی ٹیم شرکت کرے گی۔

یہ بھی پڑھیں: مشفیق الرحیم 100ویں ٹیسٹ میں سنچری بنانے والے کھلاڑی بن گئے

بنگلہ دیش کا انکار

بنگلہ دیش نے ٹی ٹوئنٹی ورلڈکپ کے میچز بھارت میں کھیلنے سے انکار کیا تھا اور اپنے میچز بھارت سے سری لنکا منتقل کرنے کا مطالبہ کیا تھا۔

آئی سی سی کا موقف

آئی سی سی کا کہنا ہے کہ تین ہفتوں سے زائد اس معاملے پر تفصیلی بات چیت کی گئی، بی سی بی سے بھی رابطے رکھے اور بی سی بی کے تحفظات کا ہر طرح سے جائزہ لیا گیا۔ آئی سی سی کے مطابق بی سی بی سے تمام معاملات پر بات کی گئی اور بی سی بی کو یقین دہانیاں بھی کرائی گئیں۔