ٹی ٹوئنٹی ورلڈکپ: پاکستان کا بھارت کے خلاف میچ کے بائیکاٹ کا امکان

فیصلہ کن لمحہ

لاہور(ڈیلی پاکستان آن لائن) پاکستان ٹیم کے ٹی ٹوئنٹی ورلڈکپ میں شرکت کرنے یا نہ کرنے کا حتمی فیصلہ آج ہوگا۔

یہ بھی پڑھیں: ایک رن کے عوض آسٹریلین ٹیم نے 8 وکٹیں گنوادیں

مشاورت کا عمل

نجی ٹی وی چینل ایکسپریس نیوز کے مطابق ذرائع کا کہنا ہے کہ پاکستان کرکٹ بورڈ (پی سی بی) کے چیئرمین محسن نقوی آج وزیر اعظم شہباز شریف سے اس حوالے سے مشاورت کے بعد حتمی فیصلہ کریں گے۔

یہ بھی پڑھیں: لاہور؛ ڈاکوؤں نے سی سی ڈی اہلکار کو تشدد کے بعد لوٹ لیا،ہسپتال داخل

بائیکاٹ کی تجویز

ذرائع کا کہنا ہے کہ پاکستان کی جانب سے ٹی ٹوئنٹی ورلڈکپ کے مکمل بائیکاٹ کے ساتھ ساتھ صرف بھارت کے خلاف میچ کے بائیکاٹ کی تجویز بھی زیر غور ہے۔

یہ بھی پڑھیں: مقدس شخصیات کی توہین کا مقدمہ، انجینئر محمد علی مرزا کا 7روزہ جسمانی ریمانڈ منظور

ممکنہ بائیکاٹ

ذرائع کے مطابق امکان ہے کہ پاکستان ٹیم بھارت کے خلاف میچ کا بائیکاٹ کرے گی۔

چیئرمین پی سی بی کا مؤقف

واضح رہے کہ گزشتہ روز چیئرمین پی سی بی نے بنگلادیش کرکٹ بورڈ کے بھارت میں نہ کھیلنے کے مؤقف کی حمایت کی تھی۔

ان کا کہنا تھا کہ بنگلادیش کا مؤقف اصولوں پر مبنی ہے، پاکستان کرکٹ بورڈ آئی سی سی کے دہرے معیار کو مسترد کرتا ہے۔