گٹر میں گرنے والی لڑکی کی لاش مل گئی، بچی کی تلاش جاری ہے، ڈی آئی جی آپریشنز لاہور

موصولہ معلومات

لاہور (ڈیلی پاکستان آن لائن) ڈی آئی جی آپریشنز لاہور فیصل کامران نے کہا ہے کہ گٹر میں گرنے والی خاتون کی لاش مل گئی جبکہ 10 ماہ کی بچی کی تلاش جاری ہے۔

یہ بھی پڑھیں: 26 نومبر احتجاج؛ فرد جرم کی کارروائی اور مقدمہ چیلنج، علیمہ خان کے وارنٹ گرفتاری بھی منسوخ

باقاعدہ تحقیقات کا آغاز

نجی ٹی وی چینل دنیا نیوز کے مطابق، ڈی آئی جی آپریشنز کا کہنا تھا کہ تمام ادارے اس وقت ملکر کام کر رہے ہیں، کچھ افسران کو نااہلی کے بعد معطل کردیا گیا۔

یہ بھی پڑھیں: شارجہ میں انٹرنیشنل بک فیئر (SIBF) کا 43 واں ایڈیشن شروع ہو گیا.

وزیراعلیٰ پنجاب کا نوٹس

اس کے علاوہ وزیراعلیٰ پنجاب مریم نواز نے داتا دربار کے قریب مین ہول میں ماں اور بیٹی کے گرنے کے واقعے کا نوٹس لے لیا۔ انہوں نے داتا دربار کے قریب تعمیراتی سائٹ پر پیش آئے واقعے کی مکمل تحقیقات کا حکم دیا ہے۔

یہ بھی پڑھیں: ڈائریکٹر جنرل سپورٹس پنجاب خضرافضال کی زیر صدارت کھیلتا پنجاب گیمز کے حوالے سے اہم اجلاس

فیکٹ فائنڈنگ کمیٹی کی تشکیل

وزیراعلیٰ پنجاب مریم نواز کی ہدایت پر فیکٹ فائنڈنگ کمیٹی بھی قائم کردی گئی ہے۔ اس کمیٹی کو 24 گھنٹوں میں رپورٹ پیش کرنے کی ہدایت کی گئی ہے اور ذمہ داروں کا تعین اور سفارشات رپورٹ کا حصہ ہوں گی۔

حفاظتی اقدامات

مزید برآں، داتا دربار کے قریب مین ہول میں ماں بیٹی کے گرنے کے واقعے کے بعد ٹیپا نے حفاظتی اقدامات شروع کر دیئے ہیں۔ ٹیپا نے تمام کھلے مین ہولز اور گڑھوں کے گرد گرین شیٹ لگانا شروع کردی ہے، اور ہولز کو ڈھانپنے کے لیے سیمنٹ کی سلیب بھی پہنچا دی گئی ہیں۔