بانی پی ٹی آئی عمران خان کی صحت اور ملاقاتوں پر غیر شفاف رویہ ناقابل قبول ہے،بابر سلیم سواتی

اسپیکر خیبرپختونخوا اسمبلی کی تشویش

پشاور(ڈیلی پاکستان آن لائن) اسپیکر خیبرپختونخوا اسمبلی بابر سلیم سواتی کا کہنا ہے بانی پی ٹی آئی عمران خان کی صحت اور ملاقاتوں پر غیر شفاف رویہ ناقابل قبول ہے۔ جیسا ہمیشہ ہوتا آیا ہے، اس وقت بھی پی ٹی آئی کی قیادت اڈیالہ کے باہر ہے اور ملاقاتیں نہیں ہو رہیں، جس سے پارٹی اور عوام میں بےچینی مزید بڑھ رہی ہے۔

یہ بھی پڑھیں: تحریک انصاف سے مذاکرات کی ناکامی کے بعد محسن نقوی کھل کر بول پڑے، ساری کہانی سنا دی

مشکلات اور شفاف معلومات کی ضرورت

اپنے ایکس بیان میں انہوں نے کہا اندر کے معاملات سے متعلق معلومات چھپائی جا رہی ہیں، جو آئین، قانون اور انسانی حقوق کے منافی ہے۔ عوام اور پارٹی رہنماؤں کا حق ہے کہ وہ اپنے رہنما سے ملاقات کریں اور شفاف معلومات حاصل کریں۔ پرامن اور جمہوری جدوجہد ہر حال میں جاری رہے گی۔

عمران خان کی جیل منتقلی پر خدشات

بابر سلیم سواتی نے مزید کہا عمران خان کو خفیہ طریقے سے جیل سے اسپتال منتقل کرنے کی خبریں قوم تک پہنچی ہیں، جس سے عوام میں بے چینی اور بے یقینی کی فضا پیدا ہو گئی ہے۔ ہر پارٹی ورکر، ہر شہری عمران خان کی صحت کے حوالے سے شدید تشویش میں ہے۔ اس وقت پارٹی قیادت جیل کے باہر موجود ہے، لیکن جیسا ہمیشہ ہوتا آیا ہے، ملاقات کی اجازت نہیں دی جا رہی۔ گزشتہ دو تین دن کے واقعات نے اعتماد کو مزید متاثر کیا ہے اور شفاف معلومات کی فوری ضرورت کو واضح کر دیا ہے۔

بانی پی ٹی آئی عمران خان کی صحت اور ملاقاتوں پر غیر شفاف رویہ ناقابل قبول ہے۔ جیسا ہمیشہ ہوتا آیا ہے، اس وقت بھی PTI کی قیادت اڈیالہ کے باہر ہے اور ملاقاتیں نہیں ہو رہیں، جس سے پارٹی اور عوام میں بےچینی مزید بڑھ رہی ہے۔ اندر کے معاملات سے متعلق معلومات چھپائی جا رہی ہیں، جو آئین،…

— Babar Saleem Swati (@BabarSaleemSwat) January 29, 2026