سانحۂ گل پلازہ: آج 27 میتیں لواحقین کے حوالے کی جائیں گی، اب تک کتنی لاشوں کی شناخت ہو گئی؟ جانیے

سانحۂ گل پلازا: 27 میتیں لواحقین کے حوالے

کراچی (ڈیلی پاکستان آن لائن) سانحۂ گل پلازا میں آج 27 میتیں لواحقین کے حوالے کی جائیں گی، جبکہ اب تک کتنی لاشوں کی شناخت ہو چکی ہے؟ اس حوالے سے اہم معلومات سامنے آئی ہیں۔

یہ بھی پڑھیں: امریکی حکومت کی جانب سے بی ایل اے اور مجید بریگیڈ کو دہشت گرد قرار دینا فیلڈمارشل اور حکومت کا کریڈٹ ہے: وزیر اعلیٰ بلوچستان

لاشوں کی شناخت اور حوالگی کی تفصیلات

ریسکیو حکام کا کہنا ہے کہ سانحۂ گل پلازا میں جاں بحق ہونے والے 69 افراد کی اب تک شناخت ہو چکی ہے۔ آج 4 خواتین سمیت 27 افراد کی میتیں لواحقین کے حوالے کی جائیں گی۔ اس کے بعد لواحقین کو دی جانے والی لاشوں کی تعداد 66 ہو جائے گی۔ جبکہ 3 میتیں اب بھی سرد خانے میں موجود ہیں جن کی شناخت ہونا باقی ہے۔

حکومتی کمیٹی کی تفتیشی رپورٹ

’جنگ‘ کے مطابق حکومتی کمیٹی کی سانحۂ گل پلازا پر تفتیشی رپورٹ سامنے آ گئی ہے۔ رپورٹ میں فائر بریگیڈ اور پولیس کی نااہلی کو اُجاگر کیا گیا ہے۔ آگ گراؤنڈ فلور پر نیو توکل فلاور اینڈ گفٹ شاپ میں رات سوا 10 بجے لگی۔ دکان کے مالک نے 11 سالہ بیٹے کو دکان پر چھوڑا ہوا تھا، جس نے ماچس کی تیلی جلائی جو غلطی سے مصنوعی پھولوں پر گری۔ آگ بھڑکی اور آتش گیر مواد کی موجودگی کے باعث تیزی سے پھیلتی چلی گئی۔ اس وقت عمارت کے اندر تقریباً دو ہزار سے ڈھائی ہزار لوگ موجود تھے۔ غیر محفوظ برقی وائرنگ، ایئر کنڈیشنرز اور کھلے پائپس نے صورتِ حال کو سنگین بنا دیا۔