میرے پاس الفاظ نہیں کہ بتا سکوں کہ وزیرِ اعلیٰ بھاٹی گیٹ کے واقعے پر کتنی غمزدہ تھیں: عظمیٰ بخاری

وزیرِ اطلاعات پنجاب کا بیان

لاہور ( ڈیلی پاکستان آن لائن ) وزیرِ اطلاعات پنجاب عظمیٰ بخاری نے کہا ہے کہ میرے پاس الفاظ نہیں کہ بتا سکوں کہ وزیرِ اعلیٰ بھاٹی گیٹ کے واقعے پر کتنی غمزدہ تھیں۔ وزیرِ اعلیٰ مریم نواز واقعے کی ایک ایک لمحے کی رپورٹ لے رہی تھیں، انکوائری کے لیے 48 گھنٹے کی مہلت دی گئی ہے، مریم نواز بہت تکلیف میں ہیں، میں بتا نہیں سکتی وہ کتنے دکھ میں ہیں۔

یہ بھی پڑھیں: فیس بک کی محبت کا بھیانک اختتام، 7 افراد موت کے گھاٹ اتار دیے گئے

بھاٹی گیٹ واقعے کی تفصیلات

عظمیٰ بخاری نے کہا کہ بھاٹی گیٹ پر واقعے سے متعلق پہلی اطلاع ریسکیو 1122 نے دی، بچی کے والد کا پولیس سے رابطہ ہوا، پولیس بچی کے والد کو تھانے لی گئی۔ خاتون کے والد نے بتایا کہ بیٹی کا اپنے شوہر کے ساتھ جھگڑا ہوا تھا، اس لیے پولیس بچی کے والد کو لے گئی۔ پولیس کو لگا ہو گا کہ شاید شوہر اس معاملے میں ملوث ہے۔ اطلاعات ہیں کہ جس شخص کی بیوی اور بچی گر گئی، پولیس نے اس کے ساتھ غلط رویہ رکھا، اس پر بھی تحقیقات ہوں گی، جو بھی ملوث پایا گیا اس کے خلاف کارروائی ہو گی۔

بلدیاتی انتخابات کا مطالبہ

صوبائی وزیر نے کہا کہ پنجاب حکومت جلد بلدیاتی انتخابات چاہتی ہے، جن کے لیے قانون بننے میں وقت لگا، پنجاب میں حلقہ بندیوں میں بھی وقت لگ رہا ہے، پنجاب حکومت بلدیاتی انتخابات کے لیے تیار ہے۔