فیلڈ مارشل سید عاصم منیر سے ترک چیف آف جنرل سٹاف کی ملاقات، دفاعی تعاون مزید مضبوط بنانے پر اتفاق

ترکیہ کے چیف آف جنرل سٹاف کا دورہ

راولپنڈی (ڈیلی پاکستان آن لائن) ترکیہ کے چیف آف جنرل سٹاف سلجوق بایراکتار اوغلو نے جی ایچ کیو کا دورہ کیا اور چیف آف ڈیفنس فورسز و چیف آف آرمی سٹاف فیلڈ مارشل سید عاصم منیر سے ملاقات کی۔

یہ بھی پڑھیں: ملکی فصلوں کی پیداوار میں کتنی کمی ہوئی؟وزیرخزانہ نے اعدادوشمار جاری کر دیئے

ملاقات کے موضوعات

ملاقات میں دفاعی اور عسکری امور، باہمی دلچسپی اور علاقائی و عالمی سیکیورٹی صورتحال پر گفتگو کی گئی۔

یہ بھی پڑھیں: میکے کو تشدد کی اطلاع دینے پر شوہر کے ہاتھوں بیوی قتل

پاک، ترکیہ دفاعی تعاون

مسلح افواج کے شعبہ تعلقات عامہ آئی ایس پی آر کے مطابق ملاقات میں پاک، ترکیہ دفاعی اور فوجی تعاون مزید مضبوط بنانے پر اتفاق کیا گیا۔ دونوں ممالک کے درمیان قریبی رابطہ اور تعاون بڑھانے پر زور دیا گیا۔ فیلڈ مارشل سید عاصم منیر نے پاک، ترکیہ برادرانہ تعلقات کو اجاگر کیا۔

یہ بھی پڑھیں: فیلڈ مارشل عاصم منیر نے ملک و قوم کے لیے قابلِ قدر خدمات انجام دیں: وزیر اعلیٰ مریم نواز

شاندار میزبانی اور تعاون

آئی ایس پی آر کے مطابق ترکیہ کے چیف آف جنرل سٹاف نے شاندار میزبانی پر پاکستان کا شکریہ ادا کیا اور تربیت، مشترکہ مشقوں و صلاحیت بڑھانے میں تعاون جاری رکھنے کا اعلان کیا۔

گارڈ آف آنر

آئی ایس پی آر کے مطابق ملاقات سے قبل جنرل ہیڈکوارٹرز آمد پر ترک جنرل کو پاک فوج کے دستے نے گارڈ آف آنر پیش کیا۔