بانی پی ٹی آئی عمران خان صحت مند اور بالکل ٹھیک ہیں، طلال چوہدری

وزیر مملکت برائے داخلہ کا بیان

اسلام آباد(ڈیلی پاکستان آن لائن) وزیر مملکت برائے داخلہ طلال چوہدری نے کہا ہے کہ بانی پی ٹی آئی عمران خان صحت مند اور بالکل ٹھیک ہیں، ہر چیز کی پریس ریلیز یا پریس کانفرنس ضروری نہیں ہوتی۔

یہ بھی پڑھیں: احمد آباد میں تباہ ہونے والے بھارتی طیارے کا بچ جانے والا واحد مسافر کون ہے؟

عمران خان کی صحت کی تفصیلات

جیو نیوز کے پروگرام نیا پاکستان میں گفتگو کرتے ہوئے وزیر مملکت طلال چوہدری نے کہا کہ بانی پی ٹی آئی کو جیل کے قریب اسپتال لایا گیا اور دکھایا گیا۔ عمران خان کو جیل میں باورچی، خدمت گزار اور ورزش کرنے کے لیے مشین بھی دی گئی ہے۔

یہ بھی پڑھیں: قطر: عرب اسلامی وزرائے خارجہ کا اجلاس آج، اسحاق ڈار نمائندگی کریں گے

حکومت کی ذمہ داری

طلال چوہدری نے کہا کہ حکومت کی ذمہ داری ہے کہ تمام قیدیوں کی صحت اور حقوق کا خیال رکھے۔ ہر چیز کی پریس ریلیز یا پریس کانفرنس ضروری نہیں ہوتی، ضرورت ہو تو بات کی تصدیق کی جاتی ہے۔

یہ بھی پڑھیں: لاہور، اے ٹی سی نے علیمہ خان کے صاحبزادے شیرشاہ کا 5 دن کا جسمانی ریمانڈ دے دیا

سکیورٹی کے مسائل

انہوں نے کہا کہ بانی پی ٹی آئی سزا یافتہ ہیں، ان کی سکیورٹی کا بھی خیال کرنا پڑتا ہے۔ ہم نہیں چاہتے کہ اڈیالہ جیل کے باہر کوئی ہنگامہ ہو۔

بانی پی ٹی آئی کی فیملی

طلال چوہدری کا کہنا تھا کہ بانی پی ٹی آئی کی فیملی کو سیاست کے علاوہ اور کوئی فکر نہیں۔ ان کی فیملی اس ملاقات کو اپنے سیاسی فوائد کے لیے استعمال کرتی ہے۔