پاکستانی سپنرز کا ٹی 20 کی تاریخ کا انوکھا کارنامہ

پاکستانی سپنرز کا شاندار کارنامہ

لاہور(ڈیلی پاکستان آن لائن) ٹی 20 انٹرنیشنل کی تاریخ میں پاکستانی سپنرز نے پہلی بار تمام 10 وکٹیں حاصل کر کے نیا کارنامہ سر انجام دیا۔

میچ کی تفصیلات

نجی ٹی وی چینل دنیا نیوز کے مطابق آسٹریلیا کے خلاف لاہور میں دوسرے ٹی 20 میں تمام 10 وکٹیں پاکستانی سپنرز نے لیں۔ ابرار احمد اور شاداب خان نے 3،3 وکٹیں حاصل کیں، عثمان طارق نے 2 جبکہ صائم اور نواز نے ایک ایک وکٹ حاصل کی۔

تاریخی پیش رفت

یہ ٹی 20 کی تاریخ میں اننگز کی تمام وکٹیں سپنرز کے نام ہونے کا مجموعی طور پر 10 واں اور فل ممبرز کے درمیان میچ کا صرف دوسرا واقعہ ہے۔

اس سے قبل فل ممبرز میں سے صرف بھارتی سپنرز نے ویسٹ انڈیز کے خلاف یہ کارنامہ انجام دیا تھا، بھارت نے فلوریڈا میں 2022 میں ویسٹ انڈیز کے خلاف میچ میں تمام 10 وکٹیں لی تھیں۔

سیریز کی صورتحال

واضح رہے کہ گزشتہ روز پاکستان نے 3 ٹی 20 میچوں کی سیریز کے دوسرے میچ میں آسٹریلیا کو 90 رنز سے شکست دے کر سیریز میں 0-2 کی فیصلہ کن برتری حاصل کرلی۔ گرین شرٹس نے مقررہ 20 اوورز میں 5 وکٹوں کے نقصان پر 198 رنز سکور کئے، جواب میں آسٹریلیا کی ٹیم 16 ویں اوور میں 108 رنز بنا کر آؤٹ ہوگئی۔