تنظیم شہری رابطہ کونسل کے کراچی کے مسائل پر شدید تحفظات، کوٹہ سسٹم کی شدید مخالفت

کراچی میں اہم تقریب

کراچی (سٹاف رپورٹر) تنظیم شہری رابطہ کونسل کی جانب سے عمائدین شہر اور صحافی برادری کے ساتھ اہم قومی امور پر مشاورت کے لیے تقریب کا انعقاد کیا گیا۔

یہ بھی پڑھیں: ای پی اے پنجاب نے گاڑیوں کے گرین اسٹیکرز کی مدت میں توسیع کردی

کوٹہ سسٹم کی مخالفت

تقریب سے تنظیم شہری رابطہ کونسل کے صدر نصرت مرزا نے سندھ میں رائج کوٹہ سسٹم کی شدید مخالفت کرتے ہوئے مطالبہ کیا ہے کہ حکومت فوری طور پر اس غیر منصفانہ نظام کے خاتمے کا اعلان کرے۔ ان کا کہنا ہے کہ کوٹہ سسٹم کے نفاذ کے وقت جو مقاصد اور اہداف مقرر کیے گئے تھے، وہ مکمل ہو چکے ہیں، لہٰذا اب اس کا برقرار رہنا کراچی سمیت شہری علاقوں کے عوام کے ساتھ ناانصافی کے مترادف ہے۔

یہ بھی پڑھیں: امریکی سینیٹ کمیٹی میں سوالات کی بوچھاڑ، ڈائریکٹر نیشنل انٹیلی جنس تلسی گبارڈ کو لاجواب کر دیا

شہری حقوق کی خلاف ورزی

نصرت مرزا نے کہا کہ کوٹہ سسٹم جاری رکھنا شہری حقوق کی صریح خلاف ورزی ہے اور یہ انصاف کے عالمی اصولوں کے بھی منافی ہے۔ اس نظام کے باعث کراچی کے تعلیم یافتہ نوجوان ملازمتوں اور ترقی کے مساوی مواقع سے محروم ہو رہے ہیں۔

یہ بھی پڑھیں: سیکریٹری پی ایچ ایف رانا مجاہد بھی مستعفی

مردم شماری پر تحفظات

انہوں نے حالیہ مردم شماری پر بھی سخت تحفظات کا اظہار کرتے ہوئے کہا کہ کراچی کی اصل آبادی کو دانستہ طور پر کم ظاہر کیا گیا ہے، جس سے شہر کے وسائل، نمائندگی اور ترقی بری طرح متاثر ہو رہی ہے۔ کراچی سمیت سندھ بھر میں ایک شفاف اور غیر جانبدار مردم شماری کرائی جائے۔

یہ بھی پڑھیں: لبنان، عدالت نے معمر قذافی کے صاحبزادے کو 11 ملین ڈالر کے عوض ضمانت پر رہا کرنے کا حکم دے دیا

حکومت کی پالیسیوں پر تنقید

شہر کے بنیادی فیصلے مقامی سطح پر نہیں کیے جاتے، جس کے باعث مسائل میں اضافہ ہو رہا ہے۔ حکومت خود صوبے میں تقسیم کو فروغ دے رہی ہے۔

یہ بھی پڑھیں: بی آئی ایس پی کے تحت سرکاری ملازمین کی بیگمات پنشرز اور انکے اہل خانہ کوبھی ادائیگیوں کا انکشاف

شہریوں کی عدم تحفظ کا مسئلہ

نصرت مرزا کا کہنا تھا کہ کراچی اور سندھ کی موجودہ صورتحال نے شہریوں کو شدید عدم تحفظ کا شکار کر دیا ہے، اور عوام خود کو سیاسی، معاشی اور سماجی طور پر نظرانداز محسوس کر رہے ہیں۔ کراچی کو اس کے آئینی، انتظامی اور معاشی حقوق دیے جائیں تاکہ شہر کے مسائل کا مستقل حل ممکن ہو سکے۔

تقریب کی میزبانی

تقریب کی میزبانی کے فرائض شہری رابطہ کونسل کے جنرل سیکریٹری طارق شاداب نے سر انجام دئیے۔ تقریب میں شہری رابطہ کونسل کے مرکزی کمیٹی کے ارکان ڈاکٹر منور احمد، پروفیسر ڈاکٹر جاوید عزیز مسعودی، شازیہ گوہر، ندیم احمد، اور دیگر شرکاء بھی موجود تھے۔ اس تقریب میں صحافی برادری کی کثیر تعداد نے شرکت کی اور شہری رابطہ کونسل کے بیانیہ پر اپنے بھرپور تعاون کی یقین دہانی کروائی۔