دفتر کے اوقات میں ملازمین نشہ آور اشیاء کے استعمال سے بچیں، وزارت ریلوے کی طرف سے ملازمین کے لیے انتباہی سرکلر جاری

وزارت ریلوے میں منشیات کے استعمال کا انکشاف

وزارت ریلوے کے ملازمین کے دفتری اوقات میں منشیات استعمال کرنے کا انکشاف ہوا ہے۔ ملازمین کیلئے انتباہی سرکلر جاری کر دیا گیا ہے۔

یہ بھی پڑھیں: تبتی روحانی پیشوا دلائی لامہ 130 سال سے زیادہ زندہ رہنا چاہتے ہیں

انتباہی سرکلر کی تفصیلات

سرکلر میں کہا گیا ہے کہ دفتری اوقات میں کئی ملازمین وزارت ریلوے کی حدود میں نشہ استعمال کرتے ہیں۔ ملازمین کو انتباہ کیا جاتا ہے کہ وہ وزارت ریلوے کی حدود میں نشہ آور اشیا کے استعمال سے باز رہیں۔

قانونی اور تادیبی کارروائی

سرکلر کے مطابق، نشہ آور اشیا کا استعمال مجرمانہ فعل ہے۔ نشہ کرنے اور منشیات کی فراہمی میں شامل ملازمین کیخلاف سخت تادیبی کارروائی کی جائے گی، جس میں نوکری سے برطرفی اور فوجداری مقدمہ بھی شامل ہے۔