پاکستان کا انڈیا کے خلاف میچ کا بائیکاٹ، بھارتی کرکٹ بورڈ کا رد عمل بھی آ گیا

پاکستان کا بھارت کے خلاف میچ بائیکاٹ کرنے کا فیصلہ

نئی دہلی(ڈیلی پاکستان آن لائن) پاکستان نے بھارت کے خلاف میچ کے بائیکاٹ کا اعلان کردیا ہے۔ اس فیصلے کے بعد بھارتی کرکٹ بورڈ (بی سی سی آئی) کا ردِعمل سامنے آچکا ہے۔
آئی سی سی ٹی ٹوئنٹی ورلڈ کپ 2026 سے متعلق اتوار کے روز اہم پیش رفت ہوئی جب پاکستان نے یہ فیصلہ کیا کہ وہ بھارت کے خلاف میچ کا بائیکاٹ کرے گا، تاہم اس کی ٹیم ٹورنامنٹ میں اپنی مجموعی شرکت برقرار رکھے گی۔

یہ بھی پڑھیں: ڈاکٹر محمد علی ملک نے دولتِ مشترکہ کا نوجوانوں کا اعلیٰ اعزاز اپنے نام کر لیا، عبیرہ ضیاء کی مبارکباد

بی سی سی آئی کا جواب

این ڈی ٹی وی کی رپورٹ کے مطابق بی سی سی آئی کے ایک رکن نے بھارتی خبر ایجنسی سے گفتگو کرتے ہوئے کہا کہ انڈین ٹیم آئی سی سی پروٹوکول کے مطابق سری لنکا کا سفر کرے گی۔

یہ بھی پڑھیں: گوگل کی جانب سے پنجاب میں گوگل کروم بک کی فیکٹری لگانے کی پیشکش، وزیراعلیٰ مریم نواز نے بھرپور معاونت کی یقین دہانی کروادی

ٹیم کی پریکٹس اور انتظامات

ترجمان بی سی سی آئی کے مطابق ٹیم انڈیا سری لنکا جائے گی اور انٹرنیشنل کرکٹ کونسل (آئی سی سی) کے ضابطوں پر عمل درآمد کرے گی۔ ان کا کہنا تھا کہ ٹیم شیڈول کے مطابق پریکٹس کرے گی، پریس کانفرنس میں بھی شرکت کرے گی، مقررہ وقت پر سٹیڈیم پہنچے گی اور میچ ریفری کی جانب سے میچ منسوخ کیے جانے کا انتظار کرے گی۔

حکومت پاکستان کا بیان

بی سی سی آئی ذرائع کا کہنا ہے کہ اگرچہ پاکستان نے 15 فروری کو ہونے والے گروپ سٹیج کے ٹی ٹوئنٹی ورلڈ کپ میچ کے بائیکاٹ کا فیصلہ کیا ہے، اس کے باوجود بھارتی ٹیم آئی سی سی کے طے شدہ پروٹوکول کے مطابق سری لنکا جائے گی اور میچ ریفری کے فیصلے تک میدان میں موجود رہے گی۔
حکومت پاکستان کی جانب سے سوشل میڈیا پر جاری بیان میں کہا گیا کہ قومی کرکٹ ٹیم ٹی 20 ورلڈ کپ میں شرکت کرے گی لیکن بھارت کے خلاف میچ نہیں کھیلے گی۔