مقامی لیبر کی کمی، امریکا کا مختلف فیکٹری ملازمتوں کیلئے ویزوں کا اعلان

امریکا کی جانب سے ایچ ٹو بی ویزوں کا اجراء

واشنگٹن (آئی این پی) امریکا نے مقامی لیبر کی کمی کے باعث ستمبر کے اختتام تک تقریبا 65 ہزار اضافی ایچ ٹو بی عارضی گیسٹ ورکر ویزے جاری کرنے کا اعلان کر دیا۔

یہ بھی پڑھیں: پاکستان کو چین اور امریکہ کے ساتھ فوری سٹریٹجک اقتصادی مذاکرات کا آغاز کرنا چاہیے، ابراہیم مراد

مقامی افرادی قوت کی قلت کا اثر

غیر ملکی خبر رساں ادارے کے مطابق، یہ ویزے ان امریکی کمپنیوں کو فراہم کیے جائیں گے جنہیں مقامی افرادی قوت کی قلت کے باعث شدید مالی نقصان کا سامنا ہے۔ اس فیصلے کے تحت ایچ ٹو بی موسمی گیسٹ ورکر ویزوں کی مجموعی تعداد میں نمایاں اضافہ کیا گیا ہے، جس کے بعد سالانہ دستیاب ویزوں کی تعداد تقریبا دوگنی ہو گئی ہے۔

یہ بھی پڑھیں: سلمان نے ایشوریا کا کندھا فریکچر کیا، مجھے ملازم نے بچایا، سابقہ گرل فرینڈ سومی علی نے الزام لگا دیا

متاثرہ شعبے

اس اقدام سے تعمیرات، ہوٹلنگ، لینڈ اسکیپنگ اور سی فوڈ پروسیسنگ جیسے شعبوں کو فائدہ پہنچنے کی توقع ہے، جہاں ورکرز کی شدید کمی پائی جاتی ہے۔

یہ بھی پڑھیں: سائٹ صنعتی ایریا کے صنعتکاروں نے کراچی چیمبر کی ہڑتال کی حمایت کردی۔

کاروباری مطالبات اور امیگریشن کی پالیسیاں

امریکا میں موسمی کاروبار سے وابستہ کمپنیاں، خصوصا ہوٹل انڈسٹری، طویل عرصے سے اضافی ویزوں کے اجرا کا مطالبہ کر رہی تھیں۔ بعض تعمیراتی کمپنیوں نے بھی سخت امیگریشن پالیسیوں کے باعث لیبر کی قلت کی شکایت کی۔ واضح رہے کہ امریکی صدر ڈونلڈ ٹرمپ نے 2025 میں صدارت سنبھالنے کے بعد امیگریشن کے خلاف سخت اقدامات کا آغاز کیا۔

حکومتی فیصلہ

تاہم، کاروباری دباؤ کے پیش نظر حکومت کو بعض شعبوں کے لیے اضافی ویزے جاری کرنے کا فیصلہ کرنا پڑا۔