وزیراعظم شہبازشریف اور وزیراعلیٰ خیبرپختونخوا سہیل آفریدی کی ملاقات کا اعلامیہ جاری

وزیراعظم شہباز شریف اور وزیراعلیٰ خیبرپختونخوا کی ملاقات

اسلام آباد(ڈیلی پاکستان آن لائن) وزیراعظم شہبازشریف سے وزیراعلیٰ خیبرپختونخوا سہیل آفریدی کی ملاقات کا اعلامیہ جاری کردیا گیا۔

یہ بھی پڑھیں: تحریک انصاف نے حکومت کو ایک مرتبہ پھر مذاکرات کی پیشکش کردی

حکومتوں کے درمیان تعاون کی اہمیت

نجی ٹی وی چینل جیو نیوز کے مطابق جاری اعلامیہ میں کہا گیا ہے کہ وزیراعظم شہباز شریف نے عوام کی ترقی و خوشحالی کیلئے وفاقی و صوبائی حکومت کے مابین تعاون کی ضرورت پر زوردیا۔ وزیراعظم نے صوبے میں امن و امان کیلئے وفاقی و صوبائی حکومت کے تعاون کو ناگزیر قرار دیا۔

یہ بھی پڑھیں: آئندہ 24 گھنٹے میں جنگ بندی کی تجویز پر حماس کا فیصلہ معلوم ہوجائے گا: امریکی صدر

امن و امان کے قیام کے اقدامات

وزیراعظم شہباز شریف نے کہا کہ امن و امان کے قیام کیلئے صوبائی حکومت کی کوششیں مزید بڑھانے کی ضرورت ہے، صوبائی حکومت انسداد دہشتگردی کیلئے صوبائی اداروں کو مضبوط کرےگی، وفاقی اور صوبائی حکومت دہشتگردی کے مکمل خاتمے کیلئے مشترکہ کاوشیں جاری رکھیں گی۔

یہ بھی پڑھیں: پرائمری کے بچوں کو شراب پلانے والے استاد کی ویڈیو وائرل

صوبائی حکومت کی ذمہ داریاں

وزیراعظم پاکستان نے کہا کہ خیبرپختونخوا میں قیام امن، عوامی فلاح کیلئے صوبائی حکومت کو آئینی ذمے داری نبھانی چاہئے، خیبرپختونخوا وفاق کی ایک اہم اکائی ہے، صوبے کے عوام کی خوشحالی کیلئے وفاقی حکومت بھرپور کاوشیں جاری رکھے گی، وفاق اور صوبوں کے درمیان قریبی روابط، موثر رابطہ کاری ناگزیر ہے۔

یہ بھی پڑھیں: برطانیہ نے سیاسی پناہ سے متعلق قوانین پر عمل نہ کرنے والے ممالک کے خلاف کارروائی کا آغاز کر دیا

صحت و تعلیم کے اقدامات

وزیراعظم نے کہاکہ صوبائی حکومت بااختیار ہے، صحت و تعلیم کیلئے خیبرپختونخوا کے عوام کیلئے اقدامات کئے جائیں۔ وفاقی حکومت خیبرپختونخوا کے عوام کی بہتری کیلئے ہمیشہ سے کوشاں ہے۔

یہ بھی پڑھیں: بچپن کی ایک اور یاد جو ذھن کے حافظہ سے محو نہیں ہوئی وہ آپاں اور بی بی جی کی سنائی کہانیاں تھیں،ایسے ہی نہیں کہتے نانیاں دادیاں سیانی ہوتی تھیں

ترقیاتی منصوبوں پر یقین دہانی

وزیراعظم نے خیبرپختونخوا میں ترقیاتی منصوبوں، بنیادی ڈھانچے کی بہتری کیلئے تعاون کی یقین دہانی کرائی، وزیراعظم نے تعلیم، صحت، روزگار کے مواقع بڑھانے کیلئے وفاقی دائرہ کار کے مطابق تعاون کی یقین دہانی کرائی۔

قومی یکجہتی کا وژن

وزیراعظم شہبازشریف کاکہناتھا کہ وفاقی حکومت تمام صوبوں کو ساتھ لے کر چلنے اور یکساں ترقی کے وژن پر عمل پیرا ہے، مشاورت، اشتراک کے ذریعے قومی یکجہتی اور استحکام، خوشحالی کے اہداف حاصل کئے جا سکتے ہیں۔