وزیرِ اعظم شہباز شریف سے ورلڈ بینک گروپ کے صدر اجے بنگا کی ملاقات، تعاون بڑھانے پر اتفاق

وزیرِ اعظم سے عالمی بینک گروپ کے صدر کی ملاقات

اسلام آباد (ڈیلی پاکستان آن لائن) وزیرِ اعظم شہباز شریف سے ورلڈ بینک گروپ کے صدر اجے بنگا کی ملاقات ہوئی ہے۔

یہ بھی پڑھیں: امریکا کے ساتھ پاکستان کا تجارتی سرپلس سالانہ 4 ارب ڈالر سے متجاوز

عالمی بینک کے تعاون کی تعریف

ملاقات میں وزیرِ اعظم شہباز شریف نے عالمی بینک گروپ کے کنٹری پارٹنر شپ فریم ورک کے تحت تعاون کو قابلِ تحسین قرار دیا ہے۔

یہ بھی پڑھیں: وزیراعلی پنجاب کا سابق رکن اسمبلی حاجی عرفان احمد خان ڈاہاکے انتقال پر اظہار افسوس

اقتصادی ترقی کی اہمیت

وزیر اعظم شہباز شریف نے کہا ہے کہ اقتصادی ترقی اور اصلاحات میں عالمی بینک گروپ کی معاونت کو قدر کی نگاہ سے دیکھتے ہیں۔ حکومت ایسی جامع انتظامی اصلاحات پر کار بند ہے جو روزگار پر مبنی اقتصادی ترقی کو فروغ دیں۔

یہ بھی پڑھیں: سسرالیوں کے ہاتھوں بہو کا قتل ، چیئر پرسن پنجاب ویمن پروٹیکشن اتھارٹی حنا پرویز بٹ نے اہم اعلان کر دیا

انفراسٹرکچر اور سرمایہ کاری کی بات چیت

وزیرِ اعظم نے انفراسٹرکچر، زرعی کاروبار، ڈیجیٹل ترقی، توانائی، اور نجی سرمایہ کاری میں اضافے کے لیے عالمی بینک کی معاونت کی تعریف کی۔ اجے بنگا کے پہلے سرکاری دورے پر ان کا خیر مقدم کیا گیا، اور عالمی بینک گروپ کو مزید مؤثر ترقیاتی شراکت دار بنانے میں اجے بنگا کی قیادت کو بھی سراہا گیا۔

یہ بھی پڑھیں: اصل میں یہ اصلاحات خود سپریم کورٹ کو کرنی چاہیے تھیں تاکہ اندرونی نظام منصفانہ رہتا، مگر ایسا نہیں ہوا، خواجہ محمد آصف

اجے بنگا کا شکریہ

عالمی بینک گروپ کے صدر اجے بنگا نے پر تپاک استقبال اور مہمان نوازی پر وزیرِ اعظم شہباز شریف کا شکریہ ادا کیا اور حکومتِ پاکستان کی جاری اصلاحاتی کوششوں کو سراہا۔

تعاون کا عزم

صدر عالمی بینک نے ون ورلڈ بینک گروپ کے تحت تعاون کو مزید گہرا کرنے کے عزم کا اعادہ کیا۔