کائٹ فلائنگ ایکٹ کیس، ہائیکورٹ میں متعدد افسران طلب

لاہور ہائیکورٹ میں سماعت

لاہور (ڈیلی پاکستان آن لائن) لاہور ہائیکورٹ میں کائٹ فلائنگ ایکٹ پر عملدرآمد روکنے اور اسے غیر قانونی قرار دینے کے لیے دائر درخواستوں پر عدالت نے ڈی جی والڈ سٹی، ڈی جی پی ایچ اے اور ایف آئی اے کے ڈائریکٹر کو کل طلب کر لیا جبکہ ایس ایس پی آپریشنز اور ڈی سی لاہور کو نئی رپورٹس جمع کرانے کا حکم دے دیا۔

یہ بھی پڑھیں: امریکہ میں کوئی لنچ فری نہیں ہوتا اس کی قیمت ہوتی ہے اور عاصم منیر کی ٹرمپ کے ساتھ ملاقات پر ۔۔۔ نجم سیٹھی کا بڑا دعویٰ

فیک نیوز کی روک تھام

نجی ٹی وی چینل دنیا نیوز کے مطابق، دورانِ سماعت عدالت نے بسنت کے موقع پر فیک نیوز کے خلاف مؤثر کارروائی یقینی بنانے کے لیے ڈی سی لاہور کو ایف آئی اے کے ساتھ میٹنگ کرنے کی ہدایت کی۔ عدالت نے ریمارکس دیے کہ اگر کوئی فیک نیوز کی پوسٹ وائرل ہو تو فوری کارروائی ہونی چاہیے۔

یہ بھی پڑھیں: کراچی، ٹریول گینگ کا مبینہ کارنامہ، عمرے پر جانے والی فیملی سعودی عرب میں پھنس گئی

سیکیورٹی کے مسائل

درخواست گزار کے وکیل نے مؤقف اختیار کیا کہ دو روز قبل بھی لاہور میں ڈور پھرنے کا واقعہ پیش آیا، سوال یہ ہے کہ اس وقت انتظامیہ کہاں تھی؟ اس پر عدالت نے استفسار کیا کہ بتائیں ایسے واقعات کیوں نہیں رک رہے؟ عدالت نے ڈور پھرنے کے واقعات سے متعلق ایس ایس پی کو تفصیلی رپورٹ جمع کرانے کی بھی ہدایت کی۔

یہ بھی پڑھیں: پی ٹی آئی اور صوبائی حکومت کے فیصلے اڈیالہ جیل سے ہورہے ہیں، فیصل کریم کنڈی

لیسکو حکام کی رپورٹ

لیسکو حکام نے عدالت کو آگاہ کیا کہ خطرناک مقامات کی نشاندہی کر لی گئی ہے اور لیسکو ہیڈ کوارٹرز میں کنٹرول روم قائم کر دیا گیا ہے۔ عدالت نے سوال کیا کہ ہائی رسک ایریاز میں صورتحال کب تک درست ہو گی؟ جس پر لیسکو حکام نے بتایا کہ دو روز کے اندر تمام خطرناک مقامات پر تاروں کی مرمت اور دیگر ضروری کام مکمل کر لیے جائیں گے۔

یہ بھی پڑھیں: بھارتی ریاست اتراکھنڈ میں تکنیکی خرابی کے باعث نجی ہیلی کاپٹر کی سڑک پر ہنگامی لینڈنگ

ضلعی انتظامیہ کی کارکردگی

ڈی سی لاہور نے عدالت کو بتایا کہ ضلعی انتظامیہ بھی لیسکو کے ساتھ مل کر خطرناک مقامات کی نشاندہی کر رہی ہے۔ ڈی جی پی آر نے بتایا کہ بسنت کے حوالے سے وسیع آگاہی مہم چلائی جا رہی ہے۔ عدالت نے پوچھا کہ چوبیس گھنٹوں میں کتنی بار ٹی وی پر پیغامات نشر کیے جا رہے ہیں؟ ڈی جی پی آر کے مطابق یہ پیغام دن میں تقریباً 14 سے 15 مرتبہ نشر کیا جا رہا ہے۔

یہ بھی پڑھیں: بانی پی ٹی آئی کی انا اور پاگل پن کا سلسلہ نیا نہیں، مریم اورنگزیب

ہیلتھ اور ایمرجنسی سروسز

سیکرٹری ہیلتھ نے عدالت کو بتایا کہ 57 کلینک آن ویلز فیلڈ میں موجود ہوں گے تاکہ کسی بھی ہنگامی صورتحال سے نمٹا جا سکے۔ عدالت نے ایڈووکیٹ جنرل آفس کو گانوں پر پابندی کے حوالے سے رپورٹ جمع کرانے کا بھی حکم دیا۔

پتنگوں کی قیمتوں میں اضافہ

سماعت کے دوران درخواست گزار کے وکیل نے پتنگوں کی قیمتوں میں اضافے کا معاملہ بھی اٹھایا جس پر عدالت نے ڈی سی لاہور سے وضاحت طلب کی۔ ڈی سی لاہور نے بتایا کہ پتنگوں کی طلب زیادہ جبکہ سپلائی کم تھی، اسی لیے دوسرے اضلاع سے پتنگیں منگوانے کی اجازت دی گئی ہے۔

بعد ازاں لاہور ہائیکورٹ نے مزید سماعت کچھ دیر کے لیے ملتوی کر دی۔