مریم نواز نے 25 سال بعد عوام کو بسنت جیسا خوبصورت تہوار منانے کا موقع فراہم کیا ہے: عظمیٰ بخاری

بسنّت کا تہوار اور مریم نواز کا کردار

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے کہا ہے کہ مریم نواز نے 25 سال بعد عوام کو بسنت جیسا خوبصورت تہوار منانے کا موقع فراہم کیا ہے اور پنجاب کی ثقافت کی بحالی کا کریڈٹ سو فیصد مریم نواز کو جاتا ہے۔

یہ بھی پڑھیں: پی ایس ایل کے باقی میچز کا شیڈول جاری

پنجاب حکومت کی تیاریاں

پنجاب حکومت نے بسنت کے دوران عوام کی حفاظت اور تہوار کی خوشیوں کو یقینی بنانے کے لیے تمام قواعد و ضوابط طے کر دیئے ہیں۔ عظمٰی بخاری نے بتایا کہ ٹریفک پولیس نے تقریباً 10 لاکھ سیفی راڈز مفت موٹرسائیکلوں پر نصب کر دیئے ہیں تاکہ شہریوں کی حفاظت کو یقینی بنایا جا سکے۔

یہ بھی پڑھیں: اسلام آباد پولیس پر پختون شہریوں کی نسلی بنیادوں پر گرفتاری کا الزام، پولیس کی جانب سے تردید

احتیاطی تدابیر اور ایس او پیز

حکومت کی جانب سے احتیاطی تدابیر اور ایس او پیز سے متعلق مسلسل آگاہی مہم بھی چلائی جا رہی ہے۔ ضلعی انتظامیہ کی ٹیمیں ایس او پیز پر سختی سے عملدرآمد کروا رہی ہیں اور ڈور کے پنے، ہر پتنگ اور گڈے پر خصوصی کیو آر کوڈز بھی چسپاں کیے گئے ہیں۔ انتظامیہ کے پاس ڈور اور پتنگیں فروخت کرنے والے اور خریدنے والوں کا مکمل ڈیٹا ہوگا تاکہ کسی قسم کی خلاف ورزی نہ ہو۔

یہ بھی پڑھیں: سابق وزیراعلیٰ پنجاب میاں منظوروٹو انتقال کر گئے

سفری سہولیات

بسنت کے 3 دن کے دوران الیکٹرک بسیں، رکشے اور ٹیکسیز عوام کو مفت سفری سہولت فراہم کریں گے تاکہ شہری آسانی سے تہوار میں شرکت کر سکیں۔ پولیس، ضلعی انتظامیہ اور دیگر متعلقہ ادارے قواعد و ضوابط پر مکمل عملدرآمد کو یقینی بنا رہے ہیں۔

شہریوں کے لیے پیغام

عظمٰی بخاری نے شہریوں پر زور دیا کہ وہ بھی احتیاطی تدابیر اختیار کریں اور بسنت کے فیسٹیول کو ذمہ داری اور شعور کے ساتھ منائیں۔