ایف بی آر نے پراپرٹی کے نئے سرکاری ریٹ جاری کر دیئے

نئے پراپرٹی ریٹس کا اعلان

اسلام آباد(ڈیلی پاکستان آن لائن) فیڈرل بورڈ آف ریونیو (ایف بی آر) کی جانب سے پراپرٹی کے نئے سرکاری ریٹ جاری کر دیئے گئے، جس کا نوٹیفکیشن بھی جاری کر دیا گیا۔

یہ بھی پڑھیں: سینیٹر شیری رحمان ایئرپورٹس پر ناکافی سہولیات اور بدانتظامی پر برہم، کہا ٹیکس دینے والے عوام بہتر سہولیات کے حق دار ہیں

ویلیوایشن میں تبدیلی

روزنامہ جنگ کے مطابق وفاقی دارالحکومت کی رہائشی اور کمرشل جائیدادوں کے نظرثانی شدہ ویلیوایشن جاری کیے گئے ہیں، نئے ریٹس کے مطابق جائیدادوں کے ریٹس میں 15 سے 75 فیصد اضافہ کیا گیا۔

یہ بھی پڑھیں: پنجاب حکومت کی ایئر ایمبولنس سروس نے میانوالی کے ٹیچر کو دل کا دورہ پڑنے پر بروقت لاہور کے ہسپتال پہنچا کر جان بچالی

نئے ریٹس کا اطلاق

ایف بی آر کی جانب سے نوٹیفکیشن میں کہا گیا ہے کہ غیرمنقولہ املاک کی مارکیٹ ویلیو کا تعین نئی شرح کے مطابق کیا جائے گا، نئے ریٹ کے مطابق کیپیٹل گین ٹیکس اور ودہولڈنگ ٹیکس وصول کیا جائے گا۔
نوٹیفکیشن کے مطابق پانچ سال تک پرانے رہائشی تعمیر شدہ سٹرکچر کے نئے ریٹس 3 ہزار روپے فی مربع فٹ مقرر کیا گیا ہے جبکہ پانچ سال سے پرانی تعمیرشدہ جائیداد کے ریٹ 1500 روپے فی مربع فٹ مقرر کئے گئے ہیں۔

پرانی قیمتوں کی منسوخی

ایف بی آر کا کہنا ہے کہ نئے ایس آر او کے جاری ہونے کے بعد پرانی قیمتیں منسوخ ہو گئی ہیں۔