چیئرمین سینیٹ یوسف رضا گیلانی کا اعلیٰ سطحی پارلیمانی وفد کے ہمراہ کمبوڈیا کا سرکاری دورہ، اہم ملاقاتیں

چیئرمین سینیٹ کا کمبوڈیا کا دورہ

اسلام آباد (ڈیلی پاکستان آن لائن) چیئرمین سینیٹ سید یوسف رضا گیلانی نے اعلیٰ سطحی پارلیمانی وفد کے ہمراہ کمبوڈیا کا سرکاری دورہ کیا، جسے پاکستان اور کمبوڈیا کے مابین پارلیمانی سفارت کاری، دوطرفہ تعلقات اور باہمی تعاون کے فروغ میں ایک اہم سنگِ میل قرار دیا جا رہا ہے۔

یہ بھی پڑھیں: پاکستان پر قرضوں کا بوجھ خطرناک حد تک بڑھ گیا، ہر پاکستانی شہری 3 لاکھ 18 ہزار 252 روپے کا مقروض ہے، معاشی تھنک ٹینک کی رپورٹ

اعلیٰ سطحی ملاقاتیں

سینیٹ سیکرٹریٹ کی جانب سے جاری بیان کے مطابق، دورے کے دوران چیئرمین سینیٹ سید یوسف رضا گیلانی اور کمبوڈیا کی سینیٹ کے صدر سامدیچ اکا موہا سینا پدیئی تیچو ہن سین کے درمیان اعلیٰ سطحی دوطرفہ ملاقات ہوئی، جس میں باہمی دلچسپی کے اہم امور پر تفصیلی تبادلۂ خیال کیا گیا۔

یہ بھی پڑھیں: افغانستان نے یو اے ای کو شکست دے دی

دوطرفہ تعلقات کی مضبوطی

ملاقات میں پارلیمانی تعاون کو مزید مضبوط بنانے، دوطرفہ تعلقات کو نئی جہت دینے، سیاسی، معاشی اور عوامی سطح پر روابط کے فروغ، جبکہ تجارت، سرمایہ کاری اور ادارہ جاتی تعاون کے امکانات پر بھی گفتگو کی گئی۔ چیئرمین سینیٹ سید یوسف رضا گیلانی کا یہ دورہ پاکستان اور کمبوڈیا کے درمیان دیرینہ دوستانہ تعلقات کو مزید مستحکم بنانے، پارلیمانی روابط کو وسعت دینے اور باہمی تعاون کے نئے راستے تلاش کرنے کے مشترکہ عزم کی عکاسی کرتا ہے۔

یہ بھی پڑھیں: والدہ نے شادی میں 22 سال ظلم سہنے کے بعد زہر کھا کر جان دی، معروف بھارتی کامیڈین منور فاروقی کا انکشاف

پنوم پنہ میں استقبال

قبل ازیں، چیئرمین سینیٹ سید یوسف رضا گیلانی اعلیٰ سطحی پارلیمانی وفد کے ہمراہ کمبوڈیا کے دارالحکومت پنوم پنہ پہنچے، جہاں ٹیچو انٹرنیشنل ایئرپورٹ پر ان کا پرتپاک استقبال کیا گیا۔

یہ بھی پڑھیں: روہنگیا مسلمان مودی سرکار کے نشانے پر آ گئے، پہلگام حملے کی آڑ میں متعدد گرفتار، کن مظالم کا نشانہ بننا پڑ رہا ہے۔ جانیے۔

ثقافتی دورے

’’اے پی پی‘‘ کے مطابق دورے کے دوران چیئرمین سینیٹ نے انڈیپنڈنس مونومنٹ کا دورہ کیا، جہاں انہوں نے کمبوڈیا کے قومی ہیروز کو خراجِ عقیدت پیش کرتے ہوئے پھول چڑھائے اور کمبوڈیا کی آزادی اور قومی جدوجہد کو سراہا۔ بعد ازاں، انہوں نے آنجہانی کنگ فادر پریاہ بوروم رتناک کاؤدھ کے شاہی یادگاری مجسمے پر بھی حاضری دی اور پھولوں کی چادر چڑھائی، جو کمبوڈیا کی تاریخ، ثقافت اور قومی ورثے کے لیے پاکستان کے گہرے احترام کی علامت ہے۔

سرکاری استقبالیہ تقریب

چیئرمین سینیٹ کمبوڈیا کی سینیٹ کے سولیڈیرٹی پیلس پہنچے، جہاں پولیار تھیپادی ہال میں ان کے اعزاز میں ایک پروقار سرکاری استقبالیہ تقریب منعقد کی گئی۔ کمبوڈیا کی سینیٹ کے صدر سامدیچ اکا موہا سینا پدیئی تیچو ہن سین نے ذاتی طور پر چیئرمین سینیٹ پاکستان کا استقبال کیا۔ اس موقع پر دونوں رہنماؤں نے گارڈ آف آنر کا معائنہ کیا۔