امریکی فوج نے ایک ایرانی ڈرون کو مار گرایا

ایرانی ڈرون کی تباہی

تہران (ڈیلی پاکستان آن لائن) امریکی فوج نے منگل کے روز بحیرۂ عرب میں امریکی طیارہ بردار بحری جہاز ابراہم لنکن کی جانب بڑھنے والے ایک ایرانی ڈرون کو مار گرایا۔

یہ بھی پڑھیں: گاڑیوں کے بعد اب موٹر سائیکل کا بھی فٹنس ٹیسٹ کروانا ہوگا، ابھی سے تیاری کر لیں

ڈرون کا نشانہ

امریکی حکام نے خبر رساں ادارے رائٹرز کو بتایا کہ یہ ایرانی شاہد39 ڈرون طیارہ بردار جہاز کے قریب آ رہا تھا، جسے امریکی فضائیہ کے ایف-35 جنگی طیارے نے نشانہ بنا کر تباہ کر دیا۔

کشیدگی کا پس منظر

واضح رہے کہ ایران کے ساتھ بڑھتی ہوئی کشیدگی کے تناظر میں امریکی نیوی بحیرہ عرب میں موجود ہے۔ یہ واقعہ ایک ایسے وقت میں سامنے آیا ہے جب ترکیے میں امریکہ اور ایران کے مذاکرات کی بازگشت سنائی دے رہی ہے۔ ان مذاکرات میں پاکستان کو بھی شامل کیا گیا ہے。