حکومت کا مہاجرینِ جموں و کشمیر کے لیے فی کس گزارہ الاؤنس 5 ہزار روپے کرنے کا فیصلہ

حکومتِ پاکستان کا فیصلہ

اسلام آباد(ڈیلی پاکستان آن لائن) حکومتِ پاکستان نے مہاجرینِ جموں و کشمیر کے لیے فی کس ماہانہ گزارہ الاؤنس 5 ہزار روپے کرنے کا فیصلہ کیا ہے۔

یہ بھی پڑھیں: وزیر اعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری

یکجہتی کا مظہر

نجی ٹی وی چینل جیو نیوز کے مطابق وفاقی وزیر امورِ کشمیر امیر مقام نے کہا کہ گزارہ الاؤنس بڑھانے کا فیصلہ وزیراعظم شہباز شریف کی کشمیری عوام سے غیرمتزلزل یکجہتی کا مظہر ہے۔

یہ بھی پڑھیں: بھارتی پولیس کا ریلوے اسٹیشنز اور سرکاری عمارتوں کی ویڈیوز بنا کر پاکستان میں ہینڈلرز کو بھیجنے کے الزام میں 3 افراد کو گرفتار کرنے کا دعویٰ

بحالی و آبادکاری کے اقدامات

وفاقی وزیر نے مزید بتایا کہ حکومت پاکستان کی جانب سے 3 ارب روپے کی لاگت سے 750 گھروں کی تعمیر کے پائلٹ پروجیکٹ پر کام جاری ہے۔ مہاجرین کی بحالی اور باعزت آبادکاری حکومت کی اولین ترجیحات میں شامل ہے۔

سرکاری زمین کی فراہمی

امیر مقام نے مزید کہا کہ رہائشی منصوبے کے لیے حکومتِ آزاد جموں وکشمیر نے سرکاری زمین مہیا کی۔ حکومت کشمیری عوام کے حقِ خودارادیت کے حصول تک ان کے شانہ بشانہ کھڑی رہے گی۔