رابطے اور مکالمہ جاری رہے تو راستے کھلتے رہتے ہیں، ڈیڈ لاک کا خاتمہ ہونا چاہئے، یہاں دودھ کا دُھلا کوئی نہیں، خواجہ سعد رفیق

لیگی رہنما کی تبصرہ

لاہور (ڈیلی پاکستان آن لائن) لیگی رہنما خواجہ سعد رفیق کا کہنا ہے کہ وزیر اعظم اور وزیراعلیٰ خیبر پختونخوا کی ملاقات درست سمت میں ایک قدم ہے، رابطے اور مکالمہ جاری رہے تو راستے کھلتے رہتے ہیں۔

یہ بھی پڑھیں: ملک کو کنٹینرستان بنا دیا ، چچا بھتیجی لاشیں گرانا چاہتے ہیں، مشیر اطلاعات خیبرپختونخوا

ڈیڈ لاک کا خاتمہ

اپنے ایکس بیان میں انہوں نے کہا کہ دونوں اطراف جستہ جستہ آگے بڑھیں، ڈیڈ لاک کا خاتمہ ہونا چاہئے۔ یہاں دودھ کا دُھلا کوئی نہیں۔ سیاسی قیادت، عدلیہ اور اسٹیبلشمنٹ بار بار آئین و انصاف سے تجاوز کے مرتکب ہوئے ہیں، یہ کام رُک جانا چاہئے۔ بندوق برداروں سے لڑیں، سیاسی مخالفین ایک دوسرے سے بات کریں۔

پاکستان کی ضرورت

خواجہ سعد رفیق نے مزید کہا کہ پاکستان کو سیاسی استحکام نہ دیا گیا تو مقبول یا قبول سب خسارے میں رہیں گے۔ پاکستان کو نئے میثاق جمہوریت اور میثاق معیشت کی اشد ضرورت ہے۔

وزیر اعظم اور وزیر اعلٰی خیبر پختونخواہ کی ملاقات درست سمت میں ایک قدم ھے

رابطے اور مکالمہ جاری رھیں تو راستے کھلتے رھتے ھیں

دونوں اطراف جستہ جستہ آگے بڑھیں
ڈیڈ لاک کا خاتمہ ھونا چاھئیے ۔۔یہاں دودھ کا دُھلا کوئ نہیں !!

سیاسی قیادت ، عدلیہ اور اسٹیبلشمنٹ بار بار آئین…

— Khawaja Saad Rafique (@KhSaad_Rafique) February 3, 2026