بلوچستان حکومت نے لیویز فورس کو پولیس میں ضم کر دیا، نوٹیفیکیشن جاری

بلوچستان حکومت کا فیصلہ

کوئٹہ (ڈیلی پاکستان آن لائن) بلوچستان حکومت نے لیویز فورس کو پولیس میں ضم کرنے کا باقاعدہ نوٹیفکیشن جاری کر دیا

یہ بھی پڑھیں: صوبہ مزید تجربہ گاہ نہیں بنے گا: وزیراعلیٰ کے پی کے

لیویز فورس کی ضم ہونے کی تفصیلات

نجی ٹی وی چینل 24 نیوز کے مطابق بلوچستان حکومت نے بڑا فیصلہ کرتے ہوئے بلوچستان لیویز فورس کے تمام زونل ڈائریکٹوریٹس، کوئیک ریسپانس فورس اور اسپیشل سوشل اکنامک پروٹیکشن یونٹ کو بلوچستان پولیس میں ضم کر دیا۔

یہ بھی پڑھیں: امریکہ کی نئی پابندیوں پر ایران کا ردعمل آگیا

باضابطہ نوٹیفکیشن کا اجراء

حکومتِ بلوچستان نے صوبے میں امن و امان کے انتظامی ڈھانچے میں اہم تبدیلی کرتے ہوئے بلوچستان لیویز فورس کو بلوچستان پولیس میں ضم کرنے کا باضابطہ نوٹیفکیشن بھی جاری کر دیا ہے۔

یہ بھی پڑھیں: قلات بس سانحہ :’’ دہشتگردوں نے اندھا دھند فائرنگ کی ، ہمارے 3 بھائی شہید ہو گئے‘‘قوال ندیم صابری اور مسافروں کے تاثرات

نوٹیفکیشن کی تفصیلات

ہوم ڈیپارٹمنٹ (پولیس سیکشن) کی جانب سے جاری کردہ نوٹیفکیشن کے مطابق بلوچستان لیویز فورس کے تمام زونل ڈائریکٹوریٹس، کوئیک ریسپانس فورس (QRF) اور اسپیشل سوشل اکنامک پروٹیکشن یونٹ (SSEPU) سمیت تمام عملہ، اثاثہ جات، ادارہ جاتی ڈھانچہ اور آپریشنل ذمہ داریاں فوری طور پر بلوچستان پولیس میں منتقل کر دی گئی ہیں۔

یہ بھی پڑھیں: منگلا اور تربیلا ڈیم میں پانی کے وافر ذخائر اور رابطہ نہروں کی تعمیر سے سبز انقلاب آیا، ہم خوراک کی پیداوار میں خود کفیل ہو گئے ورنہ گندم منگوانا پڑتی تھی۔

اہلکاروں کی حیثیت

نوٹیفکیشن میں واضح کیا گیا ہے کہ لیویز فورس کے تمام یونیفارم اور نان یونیفارم اہلکار اپنی ملازمت برقرار رکھیں گے اور انہیں بلوچستان پولیس کے مساوی رینکس، تنخواہیں، الاؤنس اور مراعات دی جائیں گی۔

پولیس قوانین کے تحت انتظامی امور

خیال رہے کہ ان سے متعلق تمام انتظامی، مالی اور تادیبی امور اب پولیس قوانین اور ضوابط کے تحت چلائے جائیں گے۔