امریکہ کی اپنے شہریوں کو فوری ایران چھوڑنے کی ہدایت

امریکی ورچوئل ایمبیسی کی جانب سے ہدایت

واشنگٹن (ڈیلی پاکستان آن لائن) امریکی ورچوئل ایمبیسی نے ایران میں موجود تمام امریکی شہریوں کو فوری ملک چھوڑنے کی ہدایت جاری کر دی۔

یہ بھی پڑھیں: امریکہ نے بھارت کو اپنا بہترین فرمانبردار ملک قرار دیدیا

ایران میں موجود امریکی شہریوں کے لیے انتباہ

نجی ٹی وی چینل جیو نیوز کے مطابق غیر ملکی کا کہنا ہے کہ ایران میں امریکی ورچوئل ایمبیسی نے ایران میں رہنے والے امریکی شہریوں کو فوری طور پر ملک چھوڑنے کی ہدایت جاری کی ہے۔

یہ بھی پڑھیں: عمران خان اور میری چکی میں ایک دیوار کا فاصلہ تھا، انجینئر محمد علی مرزا کا انکشاف

سفارت خانے کی جانب سے احتیاطی تدابیر

امریکی سفارت خانے کی جانب سے جاری بیان میں کہا گیا ہے کہ امریکی شہری امریکی حکومت کی مدد پر انحصار کیے بغیر ایران سے روانگی کا منصوبہ بنائیں کیونکہ پروازوں کی منسوخی اور تعطل کسی بھی وقت ہو سکتا ہے۔

ایمرجنسی کے حالات میں رہنمائی

ورچوئل ایمبیسی کے بیان میں ہدایت کی گئی کہ اگر ایران چھوڑنا ممکن نہ ہو تو امریکی شہری اپنے گھروں یا کسی محفوظ عمارت میں رہیں اور خوراک، پانی، ادویات اور دیگر ضروری اشیاء کا مناسب ذخیرہ رکھیں۔ اگر صورتحال محفوظ ہو تو امریکی شہری زمینی راستے سے آرمینیا یا ترکیے جانے پر غور کریں۔