بانی پی ٹی آئی کی صحت کے حوالے سے سخت تحفظات ہیں: علامہ راجا ناصر عباس

سینیٹ میں قائدحزب اختلاف کا بیان

اسلام آباد (ڈیلی پاکستان آن لائن) سینیٹ میں قائدحزب اختلاف علامہ راجا ناصرعباس کا کہنا ہے کہ بانی پی ٹی آئی سابق وزیراعظم ہیں، انکے حقوق سلب ہو رہے ہیں اور ان کی صحت کے حوالے سے سخت تحفظات ہیں۔

یہ بھی پڑھیں: بنگلہ دیش میں سیاسی بحران، محمد یونس نے عبوری سربراہ کے عہدے سے مستعفی ہونے کی دھمکی دیدی، تہلکہ خیز دعویٰ

پرامن مظاہرین پر تشدد کی مذمت

نجی ٹی وی چینل سماء نیوز کے مطابق سینیٹ اجلاس میں قائدحزب اختلاف علامہ راجا ناصرعباس نے خطاب کرتے ہوئے کہا کہ کیا پولیس کو حق ہے کہ پرامن مظاہرین کو ڈنڈے مارے؟ حکومتیں عوام کو ان کا حق دینے کے لیے ہوتی ہیں۔ بانی پی ٹی آئی سابق وزیراعظم ہیں ان کے حقوق سلب ہو رہے ہیں۔

یہ بھی پڑھیں: میئر کراچی کا سارے اداروں پر قبضہ، پھر بھی بچے گٹر میں گر رہے ہیں: جماعت اسلامی

صحت کی صورتحال پر تشویش

انہوں نے مزید کہا کہ پہلے کہا گیا وہ بیمار ہی نہیں۔ کوئی مسئلہ نہیں ہوا۔ پھر پانچ دن بعد اقرار کیا گیا کہ وہ بیمار ہیں۔ بانی پی ٹی آئی کی صحت کے حوالے سے ہمیں سخت تحفظات ہیں۔

احتجاج اور حکومتی کارروائیاں

انہوں نے دوران خطاب مزید کہا کہ بانی پی ٹی آئی سے ملاقات اور ڈاکٹرز کے چیک کرنے سے کیا ہو جائے گا؟ ایک بزرگ سیاستدان بیمار ہوئے تو کیا ان کو جیل سے علاج کیلئے نہیں بھیجا گیا تھا؟ ہم نے 8 فروری کو احتجاج کا کہا ہے تو پھر لوگوں کو کیوں گھروں سے اٹھایا جا رہا ہے۔