نئے کرنسی نوٹوں کی چھپائی کب شروع ہوگی؟ گورنر اسٹیٹ بینک کا اہم بیان آگیا

گورنر اسٹیٹ بینک کا بیان

اسلام آباد (ڈیلی پاکستان آن لائن) گورنر اسٹیٹ بینک جمیل احمد کا کہنا ہے کہ نئی کرنسی نوٹوں کی چھپائی کا کام کابینہ کی منظوری کے بعد ہوگا۔

یہ بھی پڑھیں: سپوت پاکستان محمد نواز شریف قدیم لاہور کی بحالی کے لیے کوشاں

بین الاقوامی مالیاتی فنڈ سے معاہدہ

نجی ٹی وی چینل ایکسپریس نیوز کے مطابق گورنر اسٹیٹ بینک جمیل احمد نے کہا ہے کہ بین الاقوامی مالیاتی فنڈ سے سخت مانیٹری پالیسی کا معاہدہ ہے۔ برآمدات میں کمی کے باوجود معاشی صورتحال بہتر ہے۔ نئی کرنسی نوٹوں کی چھپائی کا کام کابینہ کی منظوری کے بعد ہوگا۔

یہ بھی پڑھیں: راول ڈیم میں پانی کی سطح خطرے کے نشان کے قریب پہنچنے پر سپل وے کھول دیئے گئے

قرضوں کی ادائیگی کا شیڈول

ان کا مزید کہنا ہے کہ قرضہ ستمبر 2027 تک رول اوور ہوجائے گا جبکہ چھ ارب ڈالر قرض کی ادائیگی کردی گئی ہے، مزید چار سے ساڑھے چار ارب ڈالر کی ادائیگی رواں مالی سال کی جائے گی۔

یہ بھی پڑھیں: ایران سے جنگ کب تک جاری رہ سکتی ہے؟ اسرائیلی دفاعی اداروں نے بتادیا

پائیدار معاشی ترقی

انہوں نے مزید کہا کہ پائیدار معاشی ترقی کے لئے دو سال تک پالیسیز کا تسلسل جاری رہے گا۔ پاکستان کی معیشت استحکام کے بعد ترقی کی جانب گامزن ہے۔

یہ بھی پڑھیں: ایران کی جوہری سائٹس پر امریکی حملے جنگی جرائم ہیں: مشاہد حسین سید

برآمدات اور معاشی بہتری

گورنر اسٹیٹ بینک یہ بھی کہا کہ برآمدات میں کمی اور درامدات میں اضافے کے باوجود معاشی بہتری ہے۔ 30 جون تک کرنٹ اکاؤنٹ خسارہ صفر سے ایک فیصد اور افراط زر پانچ سے سات فیصد رہے گا جبکہ ایس ایم ای سیکٹر کےلئے قرضوں کی فراہمی دگنی کر کے گیارہ کھرب روپے کردی۔

غیرفعال قرضوں کا حجم

جمیل احمد نے بتایا کہ غیرفعال قرضوں کا حجم سات سے آٹھ فیصد پر آگیا۔ ایکس چینج مارکیٹ میں خرابیوں کو دور کیا۔ ایک سو چھیاسٹھ میں سے ایک سو چالیس منی چینجرز کو بند کردیا گیا۔