بانی پی ٹی آئی کو میسر طبی سہولیات سے متعلق سپرنٹنڈنٹ اڈیالہ جیل نے عدالت میں جواب جمع کروا دیا

عمران خان کو طبی سہولیات کی فراہمی

اسلام آباد (ڈیلی پاکستان آن لائن) سپرنٹنڈنٹ جیل اڈیالہ نے انسداد دہشت گردی عدالت میں جواب جمع کرادیا جس میں کہا گیا ہے کہ عمران خان کو جیل مینوئل کے مطابق میڈیکل سہولیات فراہم کی جارہی ہیں۔

یہ بھی پڑھیں: مشفیق الرحیم 100ویں ٹیسٹ میں سنچری بنانے والے کھلاڑی بن گئے

سابق وزیراعظم کی طبی معائنہ درخواست

نجی ٹی وی چینل ایکسپریس نیوز کے مطابق سابق وزیراعظم اور بانی چئیرمین پاکستان تحریک انصاف عمران خان کے طبی معائنے کی درخواست کے معاملے میں سپرنٹنڈنٹ جیل اڈیالہ نے انسداد دہشت گردی عدالت میں کمنٹس جمع کرا دیئے۔

یہ بھی پڑھیں: اسلام آباد ہائیکورٹ: عافیہ صدیقی وطن واپسی کیس لارجر بنچ میں سماعت کیلئے مقرر

عدالت کی ہدایت

عدالت نے کہا کہ عمران خان کی پمز ہسپتال سے آنکھوں کے معائنے کی رپورٹ جمع نہیں کرائی گئی۔ عدالت نے وکلائے صفائی اور سرکاری پراسیکیوٹر کو کل ( بروز ہفتہ) 7 فروری کو دلائل پیش کرنے کا حکم جاری کردیا۔

شوکاز نوٹس کا خاتمہ

کمنٹس جمع کرانے پر سپرنٹنڈنٹ جیل اڈیالہ کے خلاف شوکاز نوٹس واپس لے لیا گیا۔