اسلام آباد حملے پر برطانیہ کی مذمت

یورپی وزیر خارجہ کا بیان

لندن (ڈیلی پاکستان آن لائن) برطانوی وزیر خارجہ ایویٹ کوپر نے کہا ہے کہ اسلام آباد میں ہولناک حملہ انتہائی افسوسناک اور دل دہلا دینے والا واقعہ ہے۔ لندن سے برطانوی وزیر خارجہ نے اپنے بیان میں مزید کہا کہ ہمارے خیالات تمام متاثرین اور ان کے اہلِ خانہ کے ساتھ ہیں۔

یہ بھی پڑھیں: پی ایس ایل میں عمدہ کارکردگی پر لاہور قلندرز کو بڑا اعزاز مل گیا

پاکستان کے ساتھ عزم کا اعادہ

برطانوی وزیر خارجہ نے کہا کہ برطانیہ دہشتگردی کے خلاف جنگ میں پاکستان کے ساتھ کھڑے رہنے کے عزم کا اعادہ کرتا ہے۔

یہ بھی پڑھیں: Your Thoughts Are Yours Alone: Unchangeable and Unstealable

پاکستان میں حالیہ حملہ

خیال رہے کہ اسلام آباد کے علاقے ترلائی میں نمازِ جمعہ کے دوران خودکش دھماکے میں 31 افراد شہید اور درجنوں زخمی ہوگئے۔ پولیس کے مطابق دھماکا نمازِ جمعہ کے دوران مسجد خدیجۃ الکبریٰ میں ہوا، خود کش حملہ آور نے مسجد میں داخلے سے روکنے پر خود کو اڑا لیا۔ عینی شاہدین کا کہنا ہے کہ دھماکے سے پہلے فائرنگ کی آوازیں بھی آئیں۔

فوری طبی امداد

دھماکے کے بعد پولیس اور فوج کے دستوں اور رینجرز نے علاقے کو گھیرے میں لے لیا، تمام زخمیوں کو پمز اور پولی کلینک اسپتال منتقل کر دیا گیا، تمام اسپتالوں میں ہنگامی صورتِ حال نافذ کر دی گئی۔