سونے کی فی تولہ قیمت میں 11 ہزار 700 روپے اضافہ

سونے کی قیمتوں میں اضافہ

کراچی (ڈیلی پاکستان آن لائن) عالمی و مقامی گولڈ مارکیٹس میں ایک دن کی بڑی کمی کے بعد سونا پھر سے مہنگا ہو گیا۔

عالمی مارکیٹ کا تجزیہ

نجی ٹی وی چینل 24 نیوز کے مطابق سونے اور چاندی کی قیمتوں میں ایک بار پھر بڑا اضافہ ہوگیا۔ عالمی مارکیٹ میں سونا 117 ڈالر مہنگا ہوکر 4967 ڈالر فی اونس پر پہنچ گیا، عالمی بازار میں سرمایہ کاروں نے پھر سے سونے اور چاندی کی خریداری شروع کردی ہے۔

مقامی بازار میں قیمتیں

دوسری جانب مقامی صرافہ مارکیٹ میں فی تولہ سونا 11 ہزار 700 روپے مہنگا ہو کر 5 لاکھ 19 ہزار 462 روپے پر جا پہنچا۔ اسی طرح دس گرام سونا 10 ہزار 30 روپے مہنگا ہو کر 4 لاکھ 45 ہزار 354 روپے کا ہو گیا ہے۔