لاہور ہائیکورٹ کا علیحدگی کے بعد بچوں کے سالانہ خرچے میں 10فیصد اضافہ شامل کرنے کا حکم، تحریری فیصلہ جاری

لاہور ہائیکورٹ کا فیصلہ

لاہور(ڈیلی پاکستان آن لائن) میاں بیوی علیحدگی کے بعد بچوں کے خرچے سے متعلق لاہور ہائیکورٹ نے تحریری فیصلہ جاری کردیا۔

یہ بھی پڑھیں: ایران اسرائیل کشیدگی کے باعث عالمی منڈی میں خام تیل مہنگا ہو گیا

عدالت کا حکم

سما ٹی وی کے مطابق عدالت نے علیحدگی کے بعد بچوں کے سالانہ خرچے میں 10 فیصد اضافہ شامل کرنے کا حکم جاری کردیا۔ جسٹس عابد حسین چٹھہ نے 15 صفحات پر مشتمل تحریری فیصلہ جاری کیا۔ عدالت نے فیصلے کی کاپی پنجاب کے تمام اضلاع کے سیشن اور فیملی ججز کو بھجوانے کی ہدایت کردی۔ اسی طرح، عدالت نے فیصلے کی کاپی سیکرٹری قانون پنجاب کو بھی بھجوانے کا حکم دیا۔

یہ بھی پڑھیں: منصور علی شاہ، منیب اختر یا یحییٰ آفریدی: پاکستان کے نئے چیف جسٹس کی تقرری کا عمل شروع

فیصلے کی اہمیت

فیصلے میں کہا گیا ہے کہ پسماندہ طبقات کے بنیادی مفادات کا تحفظ آئینی ذمہ داری ہے۔ بچوں کی کفالت زندگی کا لازمی حصہ ہے، اور ریاست کو خواتین اور بچوں کے تحفظ کے لیے کسی خاص بندوبست سے نہیں روکا گیا۔