ٹی ٹوئنٹی ورلڈ کپ کھیلنے والے عمر رسیدہ کھلاڑیوں کی فہرست سامنے آ گئی۔
ٹی ٹوئنٹی ورلڈ کپ 2026ء میں تجربہ کار کھلاڑی
لاہور (ڈیلی پاکستان آن لائن) ٹی ٹوئنٹی ورلڈ کپ 2026ء میں مختلف ٹیموں میں زیادہ عمر کے کھلاڑی اس مرتبہ بھی حصہ لے رہے ہیں۔
یہ بھی پڑھیں: اسٹیٹ بینک آج مانیٹری پالیسی جاری کرے گا، شرح سود سنگل ڈیجنٹ میں آنے کا امکان
سب سے عمر رسیدہ کھلاڑی
عمان کے آل راؤنڈر محمد ندیم کی عمر 43 سال ہے، وہ ٹی ٹوئنٹی ورلڈ کپ 2026ء میں شرکت کرنے والے سب سے عمر رسیدہ کھلاڑی ہیں۔ وہ اب تک 70 ٹی ٹوئنٹی انٹرنیشنل میچز کھیل چکے ہیں۔
یہ بھی پڑھیں: سینیٹ سے پنجاب کی خالی نشست کا الیکشن کیوں ملتوی کیا گیا؟ وجہ سامنے آ گئی
اٹلی کے کپتان کی شراکت
اٹلی کے کپتان وین میڈسن ہیں جن کی عمر 42 سال ہے۔ انہوں نے اب تک 7 ٹی ٹوئنٹی انٹرنیشنل میچز کھیلے ہیں، جن میں انہوں نے 205 رنز اسکور کیے ہیں۔
یہ بھی پڑھیں: عثمان ڈار کا ای سی ایل سے نام نکلوانے کے لیے عدالت سے رجوع
نیدرلینڈز کی نمائندگی
نیدرلینڈز کے 41 سالہ رولوف وین ڈر مروے بھی عمر رسیدہ کھلاڑیوں میں شامل ہیں، انہوں نے 66 ٹی ٹوئنٹی انٹرنیشنل میچز میں 561 رنز بنانے کے ساتھ ساتھ 74 وکٹیں بھی حاصل کی ہیں۔
افغانستان اور زمبابوے کے کھلاڑی
اس کے علاوہ 41 سال کے افغانستان کے محمد نبی بھی ٹی ٹوئنٹی ورلڈ کپ میں ایکشن میں نظر آئیں گے۔ محمد نبی نے 147 ٹی ٹوئنٹی انٹرنیشنل میچز کھیلے ہیں، جبکہ زمبابوے کے بیٹر برینڈن ٹیلر 40 سال کی عمر میں ٹی ٹوئنٹی ورلڈ کپ میں شرکت کر رہے ہیں۔
