یہ ہم سب کا ملک ہے، ہمیں مل کر اسے بچانا ہے، وزیراعظم پارلیمنٹ کو مضبوط اور پالیسیوں کا مرکز بنائیں، محمود خان اچکزئی

محمود خان اچکزئی کا بیانیہ

اسلام آباد (ڈیلی پاکستان آن لائن) اپوزیشن لیڈر محمود خان اچکزئی کا کہنا ہے کہ یہ ہم سب کا ملک ہے، ہمیں مل کر اسے بچانا ہے، وزیراعظم پارلیمنٹ کو مضبوط اور پالیسیوں کا مرکز بنائیں۔

یہ بھی پڑھیں: پاک بھارت کشیدگی: پاک بحریہ نے اپنی دفاعی برتری کو مکمل برقرار رکھا:تجزیہ نگار

خود کش حملے کے زخمیوں کی عیادت

اپوزیشن وفد نے پمز اسپتال میں خود کش حملے کے زخمیوں کی عیادت کی۔ میڈیا سے گفتگو میں محمود خان اچکزئی نے کہا کہ جو چیز ہمیں اکٹھا رکھے ہوئے ہیں اسے پھاڑ رہے ہیں۔ نا انصافی سے باپ اور بیٹے کا رشتہ نہیں چلتا۔ یہ ہم سب کا ملک ہے، ہمیں مل کر اسے بچانا ہے۔

یہ بھی پڑھیں: پنجاب حکومت نے گندم کی خریداری کیلئے قیمت 3ہزار روپے فی من مقرر کر دی

ظلم کے خلاف جدوجہد

محمود خان اچکزئی نے کہا کہ ہم ظلم مٹانے نکلے ہیں، ظلم کے خلاف نکلنا ہے، عوام سے اپیل ہے کہ جذباتی نہیں ہونا۔ ملک انتہائی خطرناک دور سے گزر رہا ہے، ظلم جتنا برداشت کرتے ہیں اتنا زیادہ ہوتا ہے۔ ملک ڈوب رہا ہے، یہ ملک نہیں چلا سکتے۔ لٹیروں نے 70سال سے ملک کو لوٹا ہے۔

سیاسی پارٹیاں اور پارلیمنٹ کا کردار

سیاسی پارٹیاں معاہدہ کریں کہ لٹیروں کو پارٹیوں میں نہ لیں۔ وزیراعظم پارلیمنٹ کو مضبوط کرائیں، پارلیمنٹ کو خارجہ اور داخلہ پالیسیوں کا مرکز بنائیں۔