کبوتر سونے کی چین چونچ میں دبا کر اڑ گیا
زبردست چوری کا واقعہ
راجستھان(ڈیلی پاکستان آن لائن) بھارت میں زیورات کی چوری کی ایک منفرد واردات سامنے آئی ہے جو سنار برادری کے لئے حیرت اور خوف کا باعث بنی۔ اس چوری کا ذمہ دار کوئی انسان نہیں بلکہ ایک کبوتر تھا۔
یہ بھی پڑھیں: سپین کے وزیراعظم ایک بار پھر ایران پر اسرائیلی اور امریکی حملوں کیخلاف کھل کر بول پڑے
چوری کا منظر
بھارتی ریاست راجستھان کے شہر دیگانہ کی بلین مارکیٹ میں ایک کبوتر نے زیورات کی دکان سے تقریباً ایک لاکھ روپے مالیت کی سونے کی چین اپنی چونچ میں دبا کر اُڑان بھر لی۔
یہ بھی پڑھیں: چوہدری طارق سبحانی عمرہ کی سعادت کے لیے سعودی عرب پہنچ گئے
عینی شاہدین کی کہانی
عینی شاہدین کے مطابق یہ واقعہ اس وقت پیش آیا جب صرافہ بازار میں ایک زیورات کی دکان پر کاریگر سونے کے زیورات تیار کرنے میں مصروف تھے۔ اچانک ایک کبوتر دکان کے اندر داخل ہوا اور پلک جھپکتے ہی میز پر رکھی سونے کی زنجیر چونچ میں پکڑ کر اُڑان بھر لی۔
یہ بھی پڑھیں: زمبابوے کے لیے جعلی مسٹر بین کا انتقام لینے کا بہترین موقع
بازار میں سراسیمگی
یہ منظر دیکھ کر دکان دار کے اوسان خطا ہوگئے اور چند لمحوں میں پورے بازار میں سراسیمگی پھیل گئی۔
یہ بھی پڑھیں: ایران نے ہمیں ایک تحفہ دیا ہے اور یہ تحفہ آج پہنچ گیا ہے: امریکی صدر ڈونلڈ ٹرمپ کی میڈیا سے گفتگو
کبوتر کی مہم
کبوتر دکان سے اُڑ کر قریبی بازار کی چھت پر جا بیٹھا جہاں وہ کچھ دیر تک دکھائی دیتا رہا۔ موقع پر موجود افراد نے کبوتر پر نظر رکھی اور زنجیر واپس حاصل کرنے کی کوششیں شروع کر دیں۔
یہ بھی پڑھیں: شاہ رخ خان کی اس گھڑی کی قیمت کتنی ہے؟آپ جان کر دنگ رہ جائیں گے.
زنجیر کی بحالی
کافی جدوجہد کے بعد کبوتر اُڑ گیا اور سونے کی زنجیر نیچے زمین پر گر گئی، جسے تاجروں نے بحفاظت اٹھا لیا۔
یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟
تاجروں کی تشویش
زنجیر کی بحفاظت واپسی پر تاجروں نے سکھ کا سانس لیا۔ بلین مارکیٹ کے تاجروں نے بتایا کہ سونے کی بڑھتی ہوئی قیمتوں کے باعث سکیورٹی پہلے ہی ایک بڑا چیلنج بن چکی ہے۔ تاہم، یہ اپنی نوعیت کا پہلا واقعہ ہے جب کسی کبوتر کو سونے کی چین اُڑا کر لے جاتے دیکھا گیا۔
بازار کی گفتگو
یہ انوکھا واقعہ پورے بازار میں موضوعِ گفتگو بن گیا اور ہر کوئی اس غیر معمولی چوری پر حیرت کا اظہار کرتا رہا۔
