وزیر داخلہ سندھ کی پولیس کو فول پروف رمضان سکیورٹی پلان تیار کرنے کی ہدایت

سندھ کے وزیر داخلہ کی ہدایت

کراچی (ڈیلی پاکستان آن لائن) وزیر داخلہ سندھ ضیاء الحسن لنجار نے پولیس کو رمضان المبارک کے دوران امن و امان کی صورتحال کو برقرار رکھنے کے لیے فول پروف انتظامات یقینی بنانے کی ہدایت کردی۔

یہ بھی پڑھیں: بنوں: دہشتگردوں کے حملے، پولیس سے فائرنگ کے تبادلے میں 3دہشتگرد جہنم واصل

پولیس کو ہدایت

نجی ٹی وی چینل جیو نیوز کے مطابق ایک بیان میں ضیاء الحسن لنجار نے ہدایت کی کہ سندھ پولیس کنٹی جینسی پلان ترتیب دے اور رمضان المبارک میں امن کے فول پروف انتظامات یقینی بنائے جائیں۔

یہ بھی پڑھیں: پی ٹی آئی رہنما سلمان اکرم راجہ نے حکومت سے مذاکرات کے معاملے پر حیران کن بیان جاری کر دیا

سیکیورٹی انتظامات

وزیر داخلہ سندھ نے کہا کہ تمام اضلاع میں سکیورٹی ہائی الرٹ رکھی جائے، مساجد اور امام بارگاہوں پر خصوصی پولیس نفری تعینات کی جائے۔

یہ بھی پڑھیں: پاکستان کی افغانستان میں کارروائی، دہشتگردوں کے 7 ٹھکانوں کو نشانہ بنا ڈالا

شہری مقامات کی سیکیورٹی

انہوں نے مزید کہا کہ مارکیٹس، شاپنگ ایریاز اور رش والے مقامات پر اضافی نفری یقینی بنائی جائے اور اسٹریٹ کرائم، ڈکیتی کی وارداتوں کی روک تھام کے لیے کریک ڈاؤن کیا جائے۔

ملکی سیکیورٹی کی صورت حال

واضح رہے کہ اسلام آباد میں ہونے والے حالیہ دہشت گردی کے واقعے کے بعد ملک میں امن و امان کی صورتحال کو قائم رکھنے کیلئے سکیورٹی کے انتظامات مزید سخت کیے جا رہے ہیں۔