سینئر صحافی بلال غوری کو رہائی مل گئی، کراچی ایئرپورٹ سے کیوں گرفتار کیا گیا تھا؟ اہم تفصیلات شیئر کر دیں۔

بلال غوری کی رہائی

لاہور (طیبہ بخاری سے) سینئر صحافی، کالم نویس اور اینکر بلال غوری کو رہا کر دیا گیا ہے۔

یہ بھی پڑھیں: ٹی 20 ورلڈ کپ؛ کون سے بھارتی شہر افتتاحی میچ اور فائنل کی میزبانی کریں گے؟

واقعہ کی تفصیلات

تفصیلات کے مطابق، بلال غوری کو گذشتہ شب کراچی ائیرپورٹ سے حراست میں لیا گیا تھا۔ وہ بنگلہ دیش الیکشن کی کوریج کے لیے ڈھاکہ جا رہے تھے اور ان کی کراچی سے فلائٹ تھی۔ بلال غوری کا موبائل فون بھی قبضے میں لے لیا گیا تھا۔ بلال غوری کی ایک تصویر بھی سامنے آئی تھی جس میں ان کے ہاتھوں میں ہتھکڑیاں دیکھی جا سکتی تھیں۔

یہ بھی پڑھیں: تربت میں ہلاک ہونیوالا سلیم بلوچ کون تھا، نوجوانوں کو کیسے استعمال کرتا تھا؟ فتنہ الہندوستان کی دہشت گردی بے نقاب ہوگئی

بلال غوری کا پیغام

لیکن اب بلال غوری کا "ایکس" پر پیغام سامنے آیا ہے جس میں انہوں نے اپنی رہائی کی اطلاع دی ہے۔ بلال غوری نے اپنے پیغام میں لکھا کہ "گزشتہ شب کراچی انٹرنیشنل ایئرپورٹ پر کسی تکنیکی غلطی کی بنیاد پر ایک ناخوشگوار واقعہ پیش آیا جس میں کسی ادارے کا قصور نہیں۔ اب میں بالکل خیریت سے ہوں اور انشااللہ پہلی دستیاب فلائٹ سے حسب ارادہ ڈھاکہ پہنچوں گا۔ اداروں کی نوازش، مجھے اپنے ملک اور قوم پہ فخر ہے، شکریہ۔"

سوشل میڈیا پر پیغام

گزشتہ شب کراچی انٹرنیشنل ایئرپورٹ پر کسی تکنیکی غلطی کی بنیاد پر ایک ناخوشگوار واقعہ پیش آیا جس میں کسی ادارے کا قصور نہیں۔ اب میں بالکل خیریت سے ہوں۔ اور انشااللہ پہلی دستیاب فلائٹ سے حسب ارادہ ڈھاکہ پہنچوں گا۔ اداروں کی نوازش، مجھے اپنے ملک اور قوم پہ فخر ہے، شکریہ۔

— Bilal Ghauri (@mbilalghauri) February 8, 2026