سپریم کورٹ؛ القادر ٹرسٹ کیس میں بانی پی ٹی آئی کی درخواست ضمانت غیر موثر ہونے پر خارج

سپریم کورٹ میں القادر ٹرسٹ کیس

اسلام آباد(ڈیلی پاکستان آن لائن) سپریم کورٹ میں القادر ٹرسٹ کیس میں بانی پی ٹی آئی کی درخواست ضمانت غیرموثر ہونے پر خارج کر دی گئی۔ چیف جسٹس پاکستان یحییٰ آفریدی کی سربراہی میں 2 رکنی بنچ نے سماعت کی۔

یہ بھی پڑھیں: بدھا کے نایاب مجسموں کی سمگلنگ کی ناکام کوشش

ملاقات کی استدعا مسترد

سپریم کورٹ نے بانی پی ٹی آئی سے فوری ملاقات کی استدعا مسترد کر دی۔ لطیف کھوسہ کی بانی سے ملاقات کی استدعا پر حکومت کو کل کیلئے نوٹس جاری کر دیا۔

یہ بھی پڑھیں: وکٹ مشکل تھی ، بنگلہ دیش سے شکست کے بعد کپتان سلمان آغا کا بیان

چیف جسٹس کا بیان

نجی ٹی وی چینل جیو نیوز کے مطابق، چیف جسٹس پاکستان یحییٰ آفریدی نے لطیف کھوسہ سے مکالمہ کرتے ہوئے کہا کہ ہم بغیر نوٹس ایسا کوئی حکم نہیں دے سکتے۔ ابھی درخواست کے قابل سماعت ہونے کے اعتراض کی رکاوٹ کو عبور کرنا ہوگا۔ ذہن میں رکھیں، آپ کے مقدمات دوسری عدالتوں میں زیر التوا ہیں۔ ہمارے خیال میں یہ کیس غیرموثر ہو چکا ہے۔

کیس کی حیثیت

چیف جسٹس پاکستان نے کہا کہ 24 اگست 2023 کا حکمنامہ تھا جس کے خلاف کیس آیا تھا۔ بغیر نوٹس جاری کیے ملاقات سے متعلق کوئی آرڈر نہیں دے سکتے۔ یہ دیکھنا ہوگا کہ کیس غیرموثر ہو چکا ہے یا ابھی چلایا جا سکتا ہے۔