سپریم کورٹ: بانی پی ٹی آئی سے فوری ملاقات کی استدعا مسترد

سپریم کورٹ کی جانب سے فوری ملاقات کی استدعا مسترد

اسلام آباد (ڈیلی پاکستان آن لائن) سپریم کورٹ نے بانی پی ٹی آئی سے فوری ملاقات کی استدعا مسترد کر دی۔

یہ بھی پڑھیں: ہم نے پاکستان کے لئے بہت سی قربانیاں دیں، ہم اس کا دفاع کرنا جانتے ہیں: آرمی چیف

مقدمات کی سماعت

نجی ٹی وی چینل دنیا نیوز کے مطابق سپریم کورٹ میں بانی پی ٹی آئی کے خلاف زیرِالتوا 13 مقدمات کی سماعت ہوئی، چیف جسٹس پاکستان یحیٰ آفریدی اور جسٹس شاہد بلال حسن پر مشتمل بینچ نے کیسز کی سماعت کی۔

یہ بھی پڑھیں: ٹماٹر کی قیمتوں میں ہوشربا اضافہ، فی کلو 500 روپے تک بکنے لگے

تفصیلی رپورٹ اور نوٹس جاری

عدالت نے بانی پی ٹی آئی کی جیل میں موجودہ حالت سے متعلق تفصیلی رپورٹ طلب کر لی جبکہ بانی سے فوری ملاقات کرانے کی درخواست مسترد کر دی، ملاقات سے متعلق استدعا پر وفاقی حکومت کو کل کے لیے نوٹس جاری کردیا گیا۔

یہ بھی پڑھیں: دورہ جنوبی افریقا کیلئے پاکستان کرکٹ ٹیم کا اعلان کر دیا گیا

چیف جسٹس کے ریمارکس

دوران سماعت چیف جسٹس یحیٰ آفریدی نے ریمارکس دیئے کہ ہم بغیر نوٹس جاری کیے ملاقات سے متعلق کوئی حکم نہیں دے سکتے، پہلے درخواست کے قابلِ سماعت ہونے کے اعتراض کو عبور کرنا ہوگا، جبکہ بانی پی ٹی آئی کے مقدمات دیگر عدالتوں میں بھی زیرِ التوا ہیں۔

یہ بھی پڑھیں: شفقت علی کینیڈا کے پہلے پاکستانی نژاد وزیر بن گئے۔

کیس کی حیثیت

چیف جسٹس نے یہ بھی ریمارکس دیئے کہ بظاہر یہ کیس غیرمؤثر ہو چکا ہے، 24 اگست 2023 کا حکمنامہ تھا جس کے خلاف یہ کیس آیا تھا، بغیر نوٹس جاری کیے ملاقات سے متعلق کوئی آرڈر نہیں دے سکتے، یہ بھی دیکھنا ہوگا کہ کیس غیر مؤثر ہو چکا یا ابھی چلایا جاسکتا ہے۔

یہ بھی پڑھیں: پیوٹن شاید یہ سوچ رہے ہیں کہ اگر امریکہ یوکرین کی مدد کر رہا ہے تو وہ ایران کی مدد کیوں نہ کریں؟ ڈونلڈ ٹرمپ کا روس کی جانب سے ایران کی مدد پر تبصرہ

3 رکنی بینچ کا حکم

عدالت نے 9 مئی کیسزمیں بانی کی ضمانت کے خلاف درخواستوں پر 3 رکنی بینچ بنانے کا حکم دے دیا، سائفر کیس اور ضمانت منسوخی کی درخواستوں پر سماعت 2 ہفتے کے لیے ملتوی کردی۔

ہتک عزت کیس میں بھی عدالت کا فیصلہ

ہتک عزت کیس میں شہباز شریف کے خلاف بانی پی ٹی آئی کی درخواست پر بھی عدالت نے 3 رکنی بینچ تشکیل دینے کا حکم دیتے ہوئے سماعت 2 ہفتوں کے لیے ملتوی کردی۔